అల్లు అర్జున్‌ డాన్సులంటే ఇష్టపడని వారుంటారా.? చెప్పండి. మహేష్ అనే పేరులో వైబ్రేషన్స్‌ ఉన్నట్లు, అల్లు అర్జున్‌ డాన్సులోనూ వైబ్రేషన్స్‌ ఉంటాయి. అందుకే టాలీవుడ్‌కే కాదు, బాలీవుడ్‌లోనూ అల్లు అర్జున్‌ డాన్సులంటే తెగ పిచ్చెక్కిపోతుంటారు. బాలీవుడ్‌ హీరోయిన్లే కాదు, హీరోలు కూడా బన్నీ డాన్సులకు ఫిదా అయిపోతుంటారు. అవకాశమొస్తే, ఆ మాటను చెప్పేందుకు తెగ ఆత్రుతపడిపోతుంటారు. అలాగే గతంలో టైగర్‌ ష్రాఫ్‌, అలియాభట్‌ ఇలా చాలా మంది బాలీవుడ్‌ నటీ నటులు స్టైలిష్‌ స్టార్‌ డాన్సుల్ని పొగిడేశారు. తాజాగా ఈ లిస్టులో మరో బాలీవుడ్‌ భామ చేరిందండోయ్‌. ఆమె ఎవరో కాదు, జరీనాఖాన్‌.
'హేట్‌ స్టోరీ 3', 'వీర్‌' తదితర సినిమాల్లో హాట్‌ బ్యూటీగా పేరు తెచ్చుకున్న జరీనాఖాన్‌ త్వరలో టాలీవుడ్‌లోకి అడుగుపెడుతోంది. గోపీచంద్‌ హీరోగా తెరకెక్కుతోన్న 'చాణక్య' సినిమాతో ఈ అమ్మడు తెలుగులోకి తెరంగేట్రం చేస్తోంది. తాను స్క్రీన్‌ షేర్‌ చేసుకోబోతున్న తొలి తెలుగు హీరో గోపీచంద్‌ గురించి మాట్లాడకుండా ఈ ముద్దుగుమ్మ స్టైలిష్‌ స్టార్‌ గురించి చెప్పడమేంటో. అవును మరి, స్టైలిష్‌ స్టార్‌ డాన్సులకు అంత క్రేజ్‌ ఉంది మరి. తెలుగులోకి ఎంట్రీ అయితే షురూ అయ్యింది కదా.. ఏమో త్వరలో బన్నీతో నటించే ఛాన్స్‌ కూడా కొట్టేసుందేమో ఈ హాట్‌ భామ. అమ్మడి హుషారు చూస్తుంటే, ఇప్పటికిప్పుడు బన్నీతో స్పెషల్‌ సాంగ్‌కైనా సై అనేసేలా ఉంది.
