బిగ్ బాస్ సీజ‌న్ 3 త్వ‌ర‌లో ప్రారంభం కాబోతోంది. ఈ సీజ‌న్‌కి హోస్ట్ ఎవ‌రన్న‌దే ఆసక్తిక‌ర‌మైన చ‌ర్చ. బిగ్ బాస్ 1కి ఎన్టీఆర్, బిగ్ బాస్ 2కి నాని హోస్ట్‌లుగా వ్య‌వ‌హ‌రించిన సంగ‌తి తెలిసిందే. సీజ‌న్ 3 కోసం మ‌ళ్లీ ఎన్టీఆర్‌నే సంప్ర‌దించారు. కానీ... రాజ‌మౌళి  సినిమా వ‌ల్ల ఎన్టీఆర్ ఈ బాధ్య‌త‌లు స్వీక‌రించ‌లేక‌పోతున్నాడు. అల్లు అర్జున్‌, రానా, విజ‌య్ దేవ‌ర‌కొండ లాంటి పేర్లు వినిపించాయి. అయితే వీళ్లెవరూ కాద‌ని... నాగార్జున సీజ‌న్ 3లో హోస్ట్‌గా క‌నిపించ‌నున్నార‌ని స‌మాచారం అందుతోంది.

మీలో ఎవ‌రు కోటీశ్వ‌రుడు పోగ్రాంని నాగ్ త‌న వాక్ చాతుర్యంతో ర‌క్తి క‌ట్టించాడు. టీవీ ప్రేక్ష‌కుల‌కు ఏం కావాలో, బుల్లితెర ముందు ఎలా మ‌సులుకోవాలో నాగార్జునకి బాగా తెలుసు. పైగా మా టీవీతో నాగ్‌కి మంచి అనుబంధం ఉంది. అందుకే ఈ షో బాధ్య‌త నాగార్జున‌కి అప్ప‌గించిన‌ట్టు తెలుస్తోంది. త్వ‌ర‌లోనే అధికారిక ప్ర‌క‌ట‌న వెలువ‌డే అవ‌కాశం ఉంది.