ఈ వేస‌విలో బాక్సాఫీసు ద‌గ్గ‌ర త‌న స్టామినా ఏపాటిదో చూపించ‌డానికి వ‌స్తున్నాడు నేచురల్ స్టార్ నాని. త‌ను క‌థానాయ‌కుడిగా తెర‌కెక్కిన జెర్సీ ఏప్రిల్ 19న విడుద‌ల కాబోతోంది. సితార ఎంట‌ర్‌టైన్‌మెంట్స్ నిర్మించ‌న ఈ చిత్రంతో గౌత‌మ్ ద‌ర్శ‌కుడిగా ప‌రిచ‌యం అవుతున్నాడు. అనిరుథ్ సంగీతం అందించిన ఈ చిత్రంలోని గీతాలు ఒకొక్క‌టిగా విడుద‌ల అవుతున్నాయి. టీజ‌ర్‌కి మంచి స్పంద‌న వ‌చ్చింది. త్వ‌ర‌లో థియేట‌రిక‌ల్ ట్రైల‌ర్‌ని చూపించ‌నున్నారు.

అయితే ఈ సినిమా వాయిదా ప‌డే అకాశాలున్నాయ‌ని టాక్ వినిపిస్తోంది. ఏప్రిల్ 19 నుంచి మే 1కి షిఫ్ట్ అయ్యే సూచ‌న‌లు క‌నిపిస్తున్నాయ‌ని తెలుస్తోంది. సీజీకి సంబంధించిన వ‌ర్క్ ఇంకా పెండిండ్‌లో ఉండ‌డ‌మే అందుకు కార‌ణం. పైగా ఏప్రిల్‌లో సినిమాలు వ‌రుస‌గా రాబోతున్నాయి. ఏప్రిల్ 19నే `కాంచ‌న 3` విడుద‌ల‌కు సిద్ద‌మైంది. లారెన్స్ ద‌ర్శ‌కత్వం వ‌హిస్తూ న‌టించిన ఈ చిత్రం బీ,సీల‌లో హావా చూపించే ఛాన్స్ ఉంది. జెర్సీ సినిమా పూర్తిగా క్లాస్‌సినిమా. దాంతో కాంచ‌న ప్ర‌భావం జెర్సీపై ప‌డే అవ‌కాశం ఉంది. అందుకే.. మే 1కి వ‌స్తే ఎలా ఉంటుంది? అని జెర్సీ ద‌ర్శ‌క నిర్మాతలు భావిస్తున్నార‌ని తెలుస్తోంది.