మొదటి తెలుగు స్వాతంత్య్ర సమరయోధుడు ఉయ్యాలవాడ నరసింహా రెడ్డి జీవిత కథ ఆధారంగా తెరకెక్కుతున్న చిత్రం 'సైరా నరసింహా రెడ్డి'. మెగాస్టార్ చిరంజీవి ప్రధాన పాత్రలో రూపొందుతున్న 'సైరా' లో, బిగ్‌బీ అమితాబ్‌ బచ్చన్‌ నరసింహా రెడ్డి గురువు గారు గోశాయి వెంకన్న పాత్రలో కనిపించనున్నారు. ఇంతకుముందు ఆయన పుట్టినరోజు సందర్భంగా ఫస్ట్ లుక్ ని విడుదల చేసారు చిత్ర యూనిట్. అయితే ఇప్పుడు మళ్ళీ ఆ గురువుగారు షూటింగ్ లో పాల్గొననున్నారు.

దాదాపు షూటింగ్ చివరి దశలో ఉన్న ఈ చిత్రం చివరి షెడ్యూల్ హైదరాబాద్ లో జరుగనుంది. అందులో బిగ్‌బీ పాత్రకి సంబంధించిన కొన్ని కీలక సన్నివేశాలను చిత్రీకరించనున్నారు. ఇంతకుముందు, మూడు రోజులు సైరా షూటింగ్ లో పాల్గొన్న బిగ్‌బీ ఇప్పుడు మరో ఆరు రోజులు చిత్రీకరణలో పాల్గొననున్నారు. చిరంజీవి- అమితాబ్ ల కీలక సన్నివేశాల చిత్రీకరణతో ఈ సినిమా షూటింగ్ 95 శాతం వరకూ పూర్తయినట్టేనట. 

చిరంజీవి 151వ చిత్రంగా తెరకెక్కుతున్న'సైరా నరసింహా రెడ్డి'లో లేడీ సూపర్ స్టార్ నయనతార, జగపతి బాబు, విజయ్ సేతుపతి, సుదీప్ మరియు తమన్నా తదితర నటీనటులు కీలక పాత్రల్లో కనిపిస్తున్నారు. కొణిదెల ప్రొడక్షన్ కంపెనీ బ్యానర్ లో రామ్ చరణ్ నిర్మిస్తున్న ఈ చిత్రానికి సురేందర్ రెడ్డి దర్శకుడు.