ఈమ‌ధ్య డ‌బ్బింగ్ సినిమాల ప‌రిస్థితేం బాగోలేదు. గ‌త రెండు మూడేళ్లుగా తెలుగులో డ‌బ్బింగ్ సినిమాలు బోల్తా ప‌డుతున్నాయి. సూర్య సోద‌రుల‌కు కూడా ఇక్క‌డ గ‌ట్టి షాకే తగులుతోంది. కార్తి తాజా చిత్రం `దేవ్‌` ఇప్పుడు విడుద‌ల‌కు సిద్ధ‌మైంది. ర‌కుల్ ప్రీత్ సింగ్ క‌థానాయిక‌గా న‌టించిన ఈ చిత్రం ఈ గురువారం విడుదల అవుతోంది. ఠాగూర్ మ‌ధు ఈ సినిమా రైట్స్‌ని రూ.6 కోట్ల‌కు కొనుగోలు చేశారు.

కొన్ని ఏరియాల్లో ఈ సినిమాని అమ్మేశారు కూడా. ఇప్ప‌టి వ‌ర‌కూ 3 కోట్ల వ‌ర‌కూ వ‌చ్చింది. మిగిలిన ఏరియాల నుంచి కూడా 3 కోట్లు వ‌చ్చేస్తే. ఠాగూర్ మ‌ధు సేఫ్ అయిపోతారు. అయితే కార్తి గ‌త చిత్రాలు 6 కోట్లు వ‌సూలు చేసింది లేదు. తెలుగులో ఖాకీ ఒక్క‌టే 5.5 కోట్లు రాబ‌ట్టింది. కార్తీ గ‌త చిత్రం చిన‌బాబు కేవ‌లం 3.5 కోట్లే తెచ్చుకుంది. మ‌రి దేవ్ ఏం చేస్తాడో చూడాలి.