క్యూట్‌ బ్యూటీ హన్సిక నటిస్తున్న 'మహా' చిత్రం త్వరలో ప్రేక్షకుల ముందుకు రానుంది. వివాదాస్పద చిత్రంగా పాపులరైన ఈ సినిమా థ్రిల్లర్‌ కాన్సెప్ట్‌తో రూపొందుతోన్న సంగతి తెలిసిందే. ఇదిలా ఉంటే, ఈ సినిమాకి మరో కాంట్రవర్సీ స్టార్‌ గెస్ట్‌ అప్పీల్‌ ఇవ్వనున్నాడట. ఆయన మరెవరో కాదు, మల్టీ టాలెంటెడ్‌ శింబు. 'మహా'లో శింబు ఓ ఇంపార్టెంట్‌ రోల్‌లో కనిపించబోతున్నాడనీ సమాచారమ్‌. కొన్ని ఇంపార్టెంట్‌ సీన్స్‌తో పాటు, ఓ సాంగ్‌ కూడా శింబుపై చిత్రీకరణ జరపనున్నారట.
హన్సికకు 50వ చిత్రంగా తెరకెక్కుతోన్న 'మహా' ఇటీవల వివాదాల్లోకెక్కిన సంగతి తెలిసిందే. ఈ వివాదాలు సినిమాపై ఆశక్తిని పెంచేలా చేశాయి. ఇక ఇప్పుడు శింబు ఎంట్రీతో సినిమాకు మరింత క్రేజ్‌ యాడ్‌ అయ్యింది. ఇదిలా ఉంటే, శింబు, హన్సిక గతంలో పీకల్లోతు ప్రేమలో మునిగిపోయియన సంగతి తెలిసిందే. కొన్ని కారణాల వల్ల వీరిద్దరి లవ్‌కీ బ్రేకప్‌ వచ్చింది. ఆ తర్వాత ఈ జంట కలిసి సినిమాల్లో నటించలేదు కూడా. చాలా గ్యాప్‌ తర్వాత ఈ సినిమాతో స్క్రీన్‌ షేర్‌ చేసుకోబోతున్నారు.
Since the buzz is crazy and the news is leaked out way before time. Me and #STR are back in #MAHA 😊 pic.twitter.com/98WWdOg3Bu
— Hansika (@ihansika) March 6, 2019
ఇక శింబు విషయానికి వస్తే, శింబు నటించిన 'మన్మధ' తదితర చిత్రాలు మంచి గుర్తింపు తెచ్చుకున్నాయి. అంతేకాదు శింబుకు తెలుగులో మంచు మనోజ్‌ తదితర హీరోలతో మంచి స్నేహం ఉంది. పలు చిత్రాల్లో శింబు పాటలు కూడా పాడాడు. '90 ఎమ్‌ఎల్‌' చిత్రానికి శింబు మ్యూజిక్‌ డైరెక్టర్‌గా వర్క్‌ చేశాడు. ఈ సినిమా తమిళ వెర్షన్‌ విడుదలైంది. తెలుగు వెర్షన్‌ త్వరలో రిలీజ్‌కి సిద్ధంగా ఉంది.
