యంగ్‌ హీరో సందీప్‌ కిషన్‌ 'తెనాలి రామకృష్ణ' సినిమాలో నటిస్తున్న సంగతి తెలిసిందే. హన్సిక ఈ సినిమాలో సందీప్‌కిషన్‌తో జోడీ కడుతోంది. డిశంబర్‌ 4న ఈ సినిమాని లాంఛనంగా ప్రారంభించారు. కాగా లేటెస్టుగా ఈ సినిమా సెట్స్‌పైకి వెళ్లింది. కర్నూలులోని డిఫరెంట్‌ లొకేషన్స్‌లో ఈ సినిమా చిత్రీకరణకు చిత్ర యూనిట్‌ ప్లాన్‌ చేసింది. తెనాలి రామకృష్ణ అంటేనే ఆరోగ్యకరమైన హాస్యానికి కేరాఫ్‌ అడ్రస్‌.
అంటే ఈ సినిమాని హెల్దీ కామెడీ ఎంటర్‌టైనర్‌గా తెరకెక్కించనున్నారని తెలుస్తోంది. అయితే టైటిల్‌కి చివర 'బిఏబిఎల్‌' అని ఉంది. దానికి అర్ధం ఏంటో త్వరలో తెలుస్తుందట. నాగేశ్వరరెడ్డి ఈ సినిమాకి దర్శకుడు. నేచురల్‌ యాక్టింగ్‌తో పక్కింటబ్బాయిలా కనిపించే సందీప్‌ కిషన్‌ సరైన హిట్‌ కోసం ఎదురు చూస్తున్నాడు. ఈ సినిమాపై సందీప్‌ బోలెడన్ని ఆశలు పెట్టుకున్నాడు.
ఇదిలా ఉంటే 'దేశముదురు' సినిమాతో హన్సిక తెలుగు తెరకు పరిచయమైంది. పలు సూపర్‌ హిట్‌ చిత్రాల్లో నటించింది. కానీ టాలీవుడ్ లో స్టార్‌డమ్‌ సంపాదించుకోలేదు. తమిళంలో మాత్రం స్టార్‌ హీరోయిన్‌గా బిజీగా గడుపుతోంది. చాలా కాలం తర్వాత ఈ సినిమాతో తెలుగులో మళ్లీ సందడి చేయనుంది హన్సిక. ఇదిలా ఉంటే హన్సిక నటిస్తున్న 'మహా' మూవీ తెలుగులో కూడా విడుదల కానుంది. సస్పెన్స్‌ థ్రిల్లర్‌ మూవీగా రూపొందుతోన్న ఈ చిత్రం ఈ మధ్య వివాదాల్లోకెక్కిన సంగతి తెలిసిందే.
