గౌత‌మ్ తిన్న‌నూరి.... ప్ర‌స్తుతం టాలీవుడ్ లో టాపిక్ అంతా ఈ యువ ద‌ర్శ‌కుడి చుట్టే తిరుగుతోంది. `మ‌ళ్లీ రావా`తో ఓ డీసెంట్ హిట్ కొట్టి టాలీవుడ్‌ని ఆక‌ర్షించాడు. నానితో తీసిన 'జెర్సీ' సూప‌ర్ హిట్ దిశ‌గా దూసుకెళ్తోంది. ఎన్టీఆర్‌, అల్లు అర్జున్, విజ‌య్ దేవ‌ర‌కొండ లాంటి స్టార్ హీరోలు జెర్సీ సినిమానీ, గౌత‌మ్‌ని అభినంద‌న‌ల్లో ముంచెత్తేస్తున్నారు. నిర్మాత‌లు అడ్వాన్సుల‌తో క్యూ క‌డుతున్నారు. హీరోలు క‌ర్చీఫ్‌లు సిద్ధం చేస్తున్నారు.

గౌత‌మ్‌పై తొలి క‌ర్చీఫ్‌.. రామ్ చ‌ర‌ణ్ వేశాడు. గౌత‌మ్ మూడో చిత్రం చ‌ర‌ణ్‌తో ఉండొచ్చ‌న్న‌ది టాలీవుడ్ టాక్‌. ఎన్వీ ప్ర‌సాద్ బ్యాన‌ర్‌లో గౌత‌మ్ ఓ సినిమా చేయాల్సివుంది. ఈ సినిమాలో హీరో ఎవ‌ర‌న్న‌ది డిసైడ్ అవ్వ‌లేదు. ఆ అవ‌కాశాలు చ‌ర‌ణ్‌కే ఎక్కువ ఉన్నాయ‌ని టాక్‌. గౌత‌మ్ ద‌గ్గ‌ర ఓ పిరియాడిక‌ల్ స్టోరీ ఉంద‌ట‌. అందులో చ‌ర‌ణ్ అయితే బాగుంటాడ‌ని గౌత‌మ్ భావిస్తున్నాడు. త్వ‌ర‌లో చ‌ర‌ణ్ కి గౌత‌మ్ క‌థ చెప్ప‌నున్నాడ‌ని స‌మాచారం. చ‌ర‌ణ్ గ‌నుక ఓకే అంటే ఈ కాంబో సెట్ట‌యిపోయిన‌ట్టే.