రాజమౌళి ప్రతిష్ఠాత్మక చిత్రానికి హీరోయిన్‌ వేట ఇంకా కొనసాగుతూనే ఉంది. కొమరం భీమ్‌ పాత్రలో నటిస్తున్న ఎన్టీఆర్‌ బ్రిటీష్‌ యువతితో ప్రేమలో పడతాడు. ఆ బ్రిటీష్‌ యువతి కోసం హాలీవుడ్‌ భామని ఎంచుకున్నాడు రాజమౌళి. కానీ ఆమె హ్యాండివ్వడంతో, ఆ ప్లేస్‌ని ఫిల్‌ చేసేందుకు రాజమౌళి నానా తంటాలూ పడుతున్న సంగతి తెలిసిందే. ఈ సారి ఇక హాలీవుడ్‌ జోలికి పోకుండా, బాలీవుడ్‌తోనే సరిపెట్టాలనుకుంటున్నాడట. ఆ దిశగా బాలీవుడ్‌ భామలు శ్రద్ధాకపూర్‌, పరిణీతి చోప్రా తదితర పేర్లు తెరపైకి వచ్చాయి.
కానీ వీళ్లెవరూ తన ఇమేజినేషన్‌లో ఉన్న క్యారెక్టర్‌కి సూట్‌ అవ్వకపోవడంతో, రాజమౌళి వేట ఇంకా కొనసాగుతూనే ఉంది. ఈ దారిలోకి అనూహ్యంగా వచ్చి చేరిన మరో బాలీవుడ్‌ భామ 'జాక్వెలైన్‌ ఫెర్నాండెజ్‌'. శ్రీలంక భామ కావడంతో జాక్వెలైన్‌లో బ్రిటీష్‌ ఫీచర్స్‌ ప్రస్ఫుటంగా కనిపిస్తాయి. ఆమెలోని అందం, హుందాతనం రాజమౌళిని ఎట్రాక్ట్‌ చేసినట్లయితే దాదాపుగా ఆర్ఆర్ఆర్‌కి ఈ భామ ఫిక్సయినట్లే. ప్రచారమైతే జోరుగా కొనసాగుతోంది. చూడాలి మరి.
ఇదిలా ఉంటే, జాక్వెలైన్‌ ప్రస్తుతం బాలీవుడ్‌లో ఓ మోస్తరు అవకాశాలతో బాగానే దూసుకెళ్తోంది. 'కిక్‌' మూవీతో సల్మాన్‌ఖాన్‌ కంపెనీ నుండి దిగుమతి అయిన ఈ అందాల భామ. ఒకవేళ రాజమౌళి ఒప్పుకుంటే, తెలుగులో 'ఆర్ఆర్ఆర్‌'తో తెరంగేట్రం చేసి, సౌత్‌ ప్రేక్షకులకు గుర్తుండిపోతుంది. మరోవైపు ఓ పక్క సినిమాలు చేస్తూనే వెబ్‌ సిరీస్‌పైనా దృష్టి పెట్టింది జాక్వెలైన్‌. 'మిసెస్‌ సీరియల్‌ కిల్లర్‌' అనే వెబ్‌ సిరీస్‌లో నటిస్తోంది ప్రస్తుతం జాక్వెలైన్‌.
