'బుల్లెట్టు మీదొచ్చే బుల్‌ రెడ్డీ..' అంటూ బుల్లెట్‌పై వచ్చి కుర్రకారు గుండెల్లో రొమాంటిక్‌ గంటలు మోగించేసింది ముద్దుగుమ్మ పాయల్‌ రాజ్‌పుత్‌. తేజ దర్శకత్వంలో తెరకెక్కుతోన్న 'సీత' సినిమా కోసం పాయల్‌ రాజ్‌పుత్‌ స్పెషల్‌ సాంగ్‌లో చిందేసింది. లేటెస్ట్‌గా విడుదలైన ఈ పాటకు విడుదలైన కాసేపట్లోనే వ్యూస్‌ పోటెత్తాయి. బుల్‌ రెడ్డి సాంగ్‌ రేపు విడుదలవుతోంది అంటూ నిన్న అనౌన్స్‌మెంట్‌ ఇచ్చారు. పాయల్‌ రాజ్‌పుత్‌ హాట్‌ స్టిల్స్‌ రిలీజ్‌ చేసి సాంగ్‌పై అంచనాలు, ఆశక్తి పెంచేశారు.
అంచనాలకు తగ్గట్లుగానే ఈ బుల్‌రెడ్డి సాంగ్‌ ఉండడంతో రెస్పాన్స్‌ అదిరిపోతోంది. ఈ సాంగ్‌లో పాయల్‌ రాజ్‌పుత్‌ సోలో పర్‌ఫామెన్స్‌ ఇరగదీసేసింది. సెక్సీ ఎక్స్‌ప్రెషన్స్‌తో కుర్రోళ్ల మదిలో కేక పుట్టించేసింది. అనూప్‌ రూబెన్స్‌ మ్యూజిక్‌ అందించిన ఈ సాంగ్‌కి ధియేటర్స్‌ బద్దలు కావడం ఖాయమంటున్నారు పాయల్‌ ఫాన్స్‌. ఆ రేంజ్‌లో హాట్‌ హాట్‌ స్టెప్పులేసేసింది పాయల్‌ రాజ్‌పుత్‌. బెల్లంకొండ సాయి శ్రీనివాస్‌, కాజల్‌ అగర్వాల్‌ జంటగా తెరకెక్కుతోన్న ఈ సినిమా ఈ నెలాఖరుకు ప్రేక్షకుల ముందుకు రానుంది.
లేటెస్ట్‌గా విడుదలైన ట్రైలర్‌ హ్యూజ్‌ రెస్పాన్స్‌ అందుకుంది. పాయల్‌ స్పెషల్‌ సాంగ్‌ సినిమాకి స్పెషల్‌ అట్రాక్షన్‌ అనడంలో సందేహం లేదు. ఈ సినిమాతోనే తొలిసారి స్పెషల్‌ సాంగ్‌లో దర్శనమిచ్చింది పాయల్‌. మరోవైపు పాయల్‌ రాజ్‌పుత్‌ హీరోయిన్‌గా 'డిస్కోరాజా', 'వెంకీ మామ' చిత్రాలు రూపుదిద్దుకుంటున్న సంగతి తెలిసిందే. పాయల్‌ లీడ్‌ రోల్‌లో 'ఆర్‌డీఎక్స్‌' అనే హీరోయిన్‌ ఓరియెంటెడ్‌ మూవీ ఒకటి వెరీ లేటెస్ట్‌గా సెట్స్‌పైకి వెళ్లింది.
