మెగా మేనల్లుడు 2గా ఇండస్ట్రీకి పరిచయం కాబోతున్నాడు వైష్ణవ్‌ తేజ్‌. ఇటీవలే వైష్ణవ్‌ తేజ్‌ హీరోగా ఓ సినిమా లాంఛ్‌ అయిన సంగతి తెలిసిందే. ఈ సినిమాకి సుకుమార్‌ నిర్మాణ భాగస్వామ్యం అందిస్తున్నారు. మైత్రీ మూవీస్‌ బ్యానర్‌లో రూపొందుతోంది. కాగా సినిమా లాంఛింగ్‌ రోజే వైష్ణవ్‌ తేజ్‌ ఫస్ట్‌లుక్‌ పోస్టర్‌ని వదిలేశారు. ఆ ఫస్ట్‌లుక్‌ పోస్టర్‌ని ఆధారంగా చేసుకుని ఈ సినిమా కథ ఇలా ఉండబోతోందట. అలా ఉండబోతోందట.. అంటూ గాసిప్స్‌ పుట్టకొచ్చేస్తున్నాయి. 

అయితే తాజాగా అందుతోన్న సమాచారమ్‌ ప్రకారం ఈ సినిమాకి ఓ యదార్ధ గాధ ఇన్స్‌ప్రేషన్‌ అని తెలుస్తోంది. తూర్పుగోదావరి జిల్లాలోని ఓ మారుమూల లంక గ్రామంలో ఈ లవ్‌స్టోరీ పుట్టిందట. ఫస్ట్‌లుక్‌లో గెటప్‌ని బట్టి హీరో ఫిషర్‌ మ్యాన్‌ అని తెలుస్తోంది. అయితే అది కథలో మిళితమేనా.? లేక ఏదైనా సిట్యువేషనల్‌ గెటప్పా.? అనే అనుమానాలు కూడా ఉన్నాయి. ఏది ఏమైనా ఈ మెగా హీరో తెరంగేట్రం అయితే అలా ఇలా ఉండబోదనీ అర్ధమవుతోంది. 

ఇప్పటికే మెగా ఫ్యామిలీ నుండి చరణ్‌, అల్లు అర్జున్‌ స్టార్స్‌గా చెలామనీ అవుతున్నారు. వరుణ్‌తేజ్‌ డిఫరెంట్‌ అండ్‌ రొమాంటిక్‌ హీరోగా స్టాంప్‌ వేయించుకున్నాడు. మెగా మేనల్లుడు 1 సాయిధరమ్‌ తేజ్‌ మాస్‌ హీరో అనిపించుకోవడానికి తన తంటాలు తాను పడుతూనే ఉన్నాడు. ఇక చిరంజీవి చిన్నల్లుడు కళ్యాణ్‌దేవ్‌ కూడా 'విజేత' సినిమాతో హీరోగా తనదైన స్టైల్‌ చూపించాడు. రెండో సినిమాకి సిద్ధమయ్యాడు. చూడాలి మరి డిఫరెంట్‌ ఆటిట్యూడ్‌తో ఎంట్రీ ఇస్తున్న వైష్ణవ్‌ తేజ్‌ సంగతేంటో.!