'హనీ ఈజ్‌ ద బెస్ట్‌' అంటూ వరుణ్‌తేజ్‌ని తన చుట్టూ తిప్పుకుంది 'ఎఫ్‌ 2' మూవీలో అందాల మెహ్రీన్‌. యాక్టింగ్‌ సంగతి అటుంచితే గ్లామర్‌లో మిల్కీబ్యూటీ తమన్నాకి గట్టి పోటీ ఇచ్చింది ఈ సినిమాలో. మంచి హిట్టు కొట్టి హనీ ఈజ్‌ ద బెస్ట్‌ అనే క్యాప్షన్‌కి సార్థకత సాధించింది. ఈ సినిమాతో వచ్చిన క్రేజ్‌కి మెహ్రీన్‌ రేస్‌లో కాస్త ముందుకెళ్లిందనే అనుకోవాలి. ఇదే స్పీడు ఈ ఏడాది మరిన్ని సినిమాల్లో చూపిస్తుందేమో చూడాలిక. 

ఇదిలా ఉంటే, తాజాగా సోషల్‌ మీడియాలో మన హనీ అదే మెహ్రీన్‌ పోస్ట్‌ చేసిన పిక్‌కి పిచ్చ పిచ్చగా లైకులొచ్చేస్తున్నాయి. ఫ్రంట్‌ కట్‌ మోడ్రన్‌ వేర్‌లో హనీ నిజంగానే గ్లామరస్‌గా మెరిసిపోతోంది. ఇకపోతే 'ఎఫ్‌ 2' మూవీకి ఈ రోజు నుండి ఎక్స్‌ట్రా ఫన్‌ యాడ్‌ అవుతున్న సంగతి తెలిసిందే. అయితే ఈ ఫన్‌ని కొన్ని సాంకేతిక కారణాల వల్ల ఫస్ట్‌ షోలో యాడ్‌ చేయలేకపోయారట. తర్వాతి షోస్‌లో యాడ్‌ చేసిన కామెడీ సీన్స్‌ అందుబాటులో ఉన్నాయట. అదీ సంగతి.