కవచం తర్వాత కాజల్, బెల్లంకొండ సాయి శ్రీనివాస్‌ జంటగా తెరకెక్కుతోన్న చిత్రం 'సీత'. రిపబ్లిక్‌ డే సందర్భంగా ఈ సినిమా టైటిల్‌ని అఫీషియల్‌గా అనౌన్స్‌ చేశారు. దాంతో పాటు ఫస్ట్‌లుక్‌ పోస్టర్‌ని కూడా విడుదల చేశారు. బెల్లంకొండ, కాజల్ ఇద్దరికీ ఈ ఫస్ట్‌లుక్‌లో చోటు దక్కింది. తేజ ఈ సినిమాకి దర్శకుడు. 'నేనే రాజు నేనే మంత్రి' సినిమా తర్వాత తేజ టేకప్‌ చేసిన ప్రాజెక్ట్‌ ఇది. ఈ సినిమాపై భారీగా అంచనాలున్నాయి.
మామూలు కమర్షియల్‌ మూవీ కాకుండా, సమ్‌థింగ్‌ డిఫరెంట్‌గా ఈ 'సీత' సినిమాని తెరకెక్కిస్తున్నాడు డైరెక్టర్‌ తేజ. హీరోయిన్‌ అంటే కేవలం గ్లామర్‌కే పరిమితం కాదు, నటనలో అన్ని రకాల వేరియేషన్స్‌ చూపించగలదు అన్న నమ్మకం 'సీత' సినిమాతో చూపించబోతున్నాడు తేజ. ఈ మధ్య హీరోలు రెగ్యులర్‌ ప్యాటర్న్‌కి భిన్నంగా గెటప్స్‌ వేయడం, యాక్టింగ్‌లో డిఫరెంట్‌ టాలెంట్‌ చూపించడం చేస్తున్నారు. అలాగే హీరోయిన్స్‌ కూడా అందుకు ఏ మాత్రం తక్కువ కాదని నిరూపించబోతున్నారు. ఆ కోవలో ముందుగా చందమామ కాజల్ ఒకింత ముందడుగు వేసింది.
'సీత' సినిమాలో కాజల్ నెగిటివ్‌ షేడ్స్‌ ఉన్న పాత్ర పోషిస్తోందని ప్రచారం జరుగుతోంది. డబ్బు పిచ్చి ఉన్న అమ్మాయిగా కాజల్ కనిపించనుందట. ఇదిలా ఉంటే, ఈ ఏడాది కాజల్‌కి పండగే అని చెప్పాలి. త్వరలో తమిళంలో క్వీన్‌ రీమేక్‌ అయిన 'ప్యారిస్‌ ప్యారిస్‌' సినిమాతో రాబోతోంది. 'ఇండియన్‌ 2'లో కమల్‌హాసన్‌కి జోడీగా నటిస్తోంది. ఇవే కాక మరో రెండు బిగ్‌ ప్రాజెక్టులు కాజల్ అగర్వాల్ చేతిలో ఉన్నాయని సమాచారమ్‌. తమిళ్‌, తెలుగు కలిపి ఈ ఏడాది దాదాపుగా కాజల్ నుండి ఐదారు సినిమాలు విడుదల కానున్నాయట.
