మెగా ఫ్యామిలీలో ముందు నుంచీ పవన్ కళ్యాణ్కీ, జ‌న‌సేన‌కూ స‌పోర్ట్ చేస్తోంది నాగ‌బాబు మాత్ర‌మే. ఆమ‌ధ్య జ‌న‌సేన‌కు భారీ విరాళం కూడా అందించాడు. అంతేకాదు... `మై ఛాన‌ల్ నా ఇష్టం` అంటూ అటు టీడీపీపై, ఇటు వైకాపాపై ఘాటైన విమ‌ర్శ‌లు చేస్తూ వ‌స్తున్నారు. ఇప్పుడు జ‌న‌సేన కోసం, త‌మ్ముడి కోసం ప్ర‌త్య‌క్ష రాజ‌కీయాల్లోనూ దిగ‌బోతున్నార‌ని స‌మాచారం.
నాగ‌బాబు న‌ర‌సాపురం నుంచి ఎంపీ అభ్య‌ర్థిగా పోటీ చేస్తార‌ని ప్ర‌చారం చాలా బ‌లంగా సాగుతోంది. కాపు సామాజిక వ‌ర్గానికి చెందిన ఓట్లు ఆ ప్రాంతంలో బ‌లంగా ఉన్నాయి. పైగా చిరు కుటుంబంది మొగ‌ల్తూరే. గ‌తంలో చిరంజీవి పాల‌కొల్లు నుంచి పోటీ చేసి ఓడిపోయాడు. అయితే ఈసారి జ‌న‌సేన‌ని గెలిపించుకోవాల‌ని అక్క‌డి ప్రాంత ప్ర‌జ‌లు చాలా గ‌ట్టిగా అనుకుంటున్నారట.
అందుకే నాగ‌బాబు దృష్టి న‌ర‌సాపురం నియోజ‌క వ‌ర్గంపై ప‌డింద‌ని తెలుస్తోంది. ప్ర‌జారాజ్యం స‌మ‌యంలో నాగ‌బాబు పార్టీ కోసం చాలా ప‌నిచేశారు. కానీ పోటీకి మాత్రం దిగ‌లేదు. ఈసారి మాత్రం త‌మ్ముడి కోసం పోటీ చేయ‌డానికి రెడీ అవుతున్నారు. మ‌రి పవన్ నాగ‌బాబుకి చోటిస్తాడా? నాగ‌బాబు కోరుకున్న న‌ర‌సాపురం సీటుని క‌ట్ట‌బెడ‌తాడా?? వెయిట్ అండ్ సీ.
