హిస్ట‌రీ గురించి తెలిసిన‌వాళ్ల‌కు మ‌హ‌మ్మ‌ద్ బీన్ తుగ్ల‌క్... గురించీ ఎంతో కొంత తెలిసి ఉంటుంది. ఆయ‌న్ని పిచ్చి తుగ్ల‌క్ అని కూడా అంటుంటారు. అతి తెలివితేట‌ల‌తో తీసుకున్న నిర్ణ‌యాల వ‌ల్ల ఆయ‌న‌కా పేరు వ‌చ్చింది. రాజ‌కీయాల్లో కూడా అనాలోచిత నిర్ణ‌యాలు తీసుకునేవాళ్ల‌ని ప్ర‌తిప‌క్షాలు పిచ్చి తుగ్ల‌క్ అంటూ వెక్కిరిస్తాయి. ఇప్పుడు ఈ పేరుతో కళ్యాణ్ రామ్ ఓ సినిమా చేస్తున్నాడు. 

118తో విజ‌యాన్ని అందుకున్నాడు కళ్యాణ్ రామ్‌. ఇప్పుడు మ‌ల్లిడి వ‌శిష్ట్ అనే ఓ కొత్త ద‌ర్శ‌కుడితో ఓసినిమా చేయ‌బోతున్నాడు. దీనికి `తుగ్ల‌క్` అనే పేరు పెట్టారు. సోషియో ఫాంట‌సీ నేప‌థ్యంలో నడిచే క‌థ ఇది.  తుగ్ల‌క్ మ‌ళ్లీ పుడితే.. ఎలా ఉంటుంద‌న్న‌ది కాన్సెప్ట్‌. అతి త్వ‌ర‌లో ఈ చిత్రం ప‌ట్టాలెక్క‌నుంది. ప‌టాస్ త‌ర‌హాలోనే పూర్తి వినోదాత్మ‌కంగా న‌డిచే క‌థ ఇద‌ని తెలుస్తోంది. మ‌రి కళ్యాణ్ రామ్ తుగ్ల‌క్గా ఏ మేర‌కు మెప్పిస్తాడో చూడాలి.