బాలయ్యకి వీరాభిమాని అయితే, చిరంజీవిని అభిమానించకూడదా? చిరంజీవికి వీరాభిమాని అయితే 'జై బాలయ్య' అనకూడదా? అభిమానుల మధ్య గొడవలెలా ఉన్నా సినీ పరిశ్రమలో అందరూ ఒక్కటే. చిరంజీవి - బాలకృష్ణ అభిమానుల మధ్య గొడవల్ని చూస్తున్నాం. అయితే చిరంజీవి, బాలయ్య ఒకే వేదికపై కన్పిస్తే ఇద్దరి మధ్యా 'అన్నదమ్ముల' తరహా అనుబంధం కనిపిస్తుంటుంది.
ఆ సంగతి ఇప్పుడెందుకంటే, 'జై బాలయ్య' అంటూ 'కృష్ణగాడి వీర ప్రేమగాధ' సినిమాలో హల్‌చల్‌ చేసిన యంగ్‌ హీరో నాని, ఇప్పుడు 'జై చిరంజీవ' అంటున్నాడు. తన కొత్త సినిమా 'గ్యాంగ్‌లీడర్‌' టైటిల్‌ రిలీజ్‌ సందర్భంగా, నాని సోషల్‌ మీడియాలో పెట్టిన ఓ పోస్ట్‌ అందర్నీ ఆశ్చర్యపరిచింది. చిరంజీవి నటించిన సూపర్‌ హిట్‌ సినిమా 'గ్యాంగ్‌ లీడర్‌' రిలీజ్‌ రోజులు తనకింకా గుర్తున్నాయని అందులో నాని పేర్కొన్నాడు.
నానినే కాదు, చాలామందికి తెలుగు సినీ పరిశ్రమలో చిరంజీవి సహా హీరోలంతా నచ్చుతారు. కానీ దాన్ని అభిమానులే సరిగ్గా అర్థం చేసుకోరు. ఇదిలా ఉంటే నాని 'గ్యాంగ్‌ లీడర్‌' సినిమాలో ఆనాటి 'గ్యాంగ్‌ లీడర్‌' రిఫరెన్స్‌లు బాగానే వుంటాయని సమాచారమ్‌. టైటిల్‌ పెట్టుకున్నాక, రిఫరెన్సులు లేకపోతే ఎలా? అందులోనూ అక్కడున్నది నాని మరి. విక్రమ్‌ కుమార్‌ దర్శకత్వంలో ఈ కొత్త 'గ్యాంగ్‌ లీడర్‌' రూపొందుతోంది.
Still remember the aviators and the beard look and the welding gun in his hands :)
— Nani (@NameisNani) February 24, 2019
First day first show as a kid and the rest was history
A proud fan announcing his title today #Nani24 title is here ...@Vikram_K_Kumar @anirudhofficial @MythriOfficial pic.twitter.com/ty5Tm0QpcU
