వ‌రుస ప‌రాజ‌యాల‌తో నితిన్ కెరీర్ గంద‌ర‌గోళంలో ప‌డింది. కొన్ని క‌థ‌లు ఒప్పుకున్నా.. వాటిని ప‌ట్టాలెక్కించ‌డానికి థైర్యం చేయ‌లేక‌పోయాడు. అయితే ఈరోజు ఏకంగా రెండు సినిమాల్ని ప్ర‌క‌టించేశాడు. ర‌మేష్ వ‌ర్మ ద‌ర్శక‌త్వంలో ఓ సినిమా చేయ‌బోతున్న‌ట్టు ఈ రోజు ఉద‌య‌మే ఓ అధికారిక ప్ర‌క‌ట‌న వ‌చ్చేసింది. ఇప్పుడు రెండో సినిమానీ ప్రకటించాడు నితిన్. ఈసారి చంద్ర‌శేఖ‌ర్ ఏలేటి సినిమాని అఫీషియ‌ల్‌గా ప్రకటించాడు.
అవును నితిన్ - చంద్ర‌శేఖ‌ర్ యేలేటి కాంబినేష‌న్‌లో ఓ సినిమా రాబోతోంది. భ‌వ్య ఆర్ట్స్ ఈ చిత్రాన్ని నిర్మించ‌నుంది. ఆనంద్ ప్ర‌సాద్ నిర్మాత. ఏప్రిల్ ద్వితీయార్ధం నుంచి చిత్రీక‌ర‌ణ మొద‌ల‌వుతుంది. ఈ చిత్రానికి కీర‌వాణి సంగీతం అందించ‌నున్నారు. వెంకీ కుడుముల ద‌ర్శక‌త్వంలో నితిన్ ఓ సినిమా చేయాల్సివుంది. దానికి భీష్మ అనే టైటిల్ ఖ‌రారు చేశారు కూడా.
భీష్మ కంటే ముందు చందూ సినిమా సెట్స్‌పైకి వెళ్తుంద‌ని తెలుస్తోంది. మ‌రి భీష్మ సంగేతంటో..? ఉంటుందా, లేదంటే ఆ సినిమా చేజారిపోయిందా? అనేది ప్ర‌స్తుతానికి స‌స్పెన్స్‌. మొత్తానికి ఒకేరోజు రెండు సినిమాలు ప్ర‌క‌టించి త‌న జోరు చూపించాడు నితిన్.
