'ఆర్‌ఎక్స్‌ 100' సినిమాతో కుర్రకారు గుండెల్లో ప్రేమ గంటలు మోగించేసిన ముద్దుగుమ్మ పాయల్‌ రాజ్‌పుత్‌ మెల్ల మెల్లగా బిజీ అయిపోతోందా.? అంటే అవునంటున్నాయి టాలీవుడ్‌ వర్గాలు. అవును పాయల్‌ చేతిలో వరుస ఆఫర్లు వచ్చి పడుతున్నాయట. అవన్నీ బిగ్‌ ఆఫర్లే మరీ. ఆల్రెడీ రవితేజ సినిమాలో పాయల్‌ హీరోయిన్‌గా ఎంపికైన సంగతి తెలిసిందే. 'డిస్కోరాజా' టైటిల్‌తో తెరకెక్కుతోన్న ఈ సినిమాకి వి.ఐ.ఆనంద్‌ దర్శకుడు.
కాగా మరోవైపు మన్మధుడి కన్ను కూడా అమ్మడి పైనే అని సమాచారమ్‌ ఉంది. అదేనండీ నాగార్జున హీరోగా తెరకెక్కుతోన్న 'మన్మధుడు' సీక్వెల్‌ 'మన్మధుడు 2' కోసం పాయల్‌ని పరిశీలిస్తున్నారని ప్రచారం జరుగుతోంది. తాజాగా విక్టరీ వెంకటేష్‌కి జోడీగా కూడా పాయల్‌నే ఎంచుకోవాలనుకుంటున్నారట. వెంకీ - చైతూ కాంబోలో తెరకెక్కుతోన్న 'వెంకీ మామ' చిత్రం కోసం పాయల్‌ రాజ్‌పుత్‌ పేరు కొత్తగా తెరపైకి వచ్చింది.
ఈ సినిమాలో వెంకీకి జోడీగా శ్రియ నటిస్తోందంటూ ఇంతవరకూ వార్తలొచ్చాయి. కానీ కొన్ని ప్రత్యేక కారణాలతో శ్రియని పక్కన పెట్టి, పాయల్‌ని ఎంచుకున్నారనీ తెలుస్తోంది. వెంకీ, పాయల్‌ జంటని ఒకసారి ఊహించుకోండి. సూపర్ కదా. అందుకే ఈ ముద్దుగుమ్మ దాదాపు ఓకే అయినట్లేనట. ఏది ఏమైనా వస్తూ వస్తూనే కుర్రకారు గుండెల్లో గంటలు మోగించేసిన ఈ బ్యూటీ ఇప్పుడు స్టార్‌ హీరోలకు ఆప్షన్‌గా మారిందంటే, స్టార్‌ హీరోయిన్స్‌ లిస్టులో పడిపోయినట్లే కదా మరి.
