సంక్రాంతి, వేస‌వి, ద‌స‌రా... తెలుగు సినిమాకి సంబంధించిన కీల‌క సీజ‌న్లు ఇవే. ఆల్రెడీ సంక్రాంతి ముగిసింది. ఈ సంక్రాంతికి అల్లుడిగా వ‌చ్చి సంద‌డి చేశాడు వెంకీ. ఇప్పుడు ద‌స‌రా సీజ‌న్‌పై దృష్టి పెట్టాడు వెంకీ. త‌న త‌దుప‌రి చిత్రం 'వెంకీ మామ‌'ని ద‌స‌రా బ‌రిలో దించ‌డానికి ఫిక్స‌య్యాడు.

నాగ‌చైత‌న్య - వెంక‌టేష్ క‌థానాయ‌కులుగా న‌టిస్తున్న చిత్ర‌మిది. బాబీ ద‌ర్శ‌క‌త్వం వ‌హిస్తున్నారు. సురేష్ బాబు నిర్మాత‌. ఫిబ్ర‌వ‌రిలో షూటింగ్ మొద‌లు కానుంది. ఈ చిత్రాన్ని ద‌స‌రాకి విడుద‌ల చేయాల‌ని చిత్ర‌బృందం నిర్ణ‌యం తీసుకుంది. అయితే ద‌స‌రా సీజ‌న్ అంత తేలికేం కాదు. పోటీ గ‌ట్టిగానే ఉండే అవ‌కాశాలు ఉన్నాయి. 

వేస‌వికి మిస్ అయిన భారీ చిత్రాలు కొన్ని ద‌స‌రావైపు చూస్తుంటాయి. `సైరా`ని ఈ వేస‌విలో విడుద‌ల చేద్దామ‌నుకున్నారు. కానీ కుద‌ర్లేదు. ఇప్పుడు ద‌స‌రా సీజ‌న్‌కి షిఫ్ట్ అయ్యింది. ద‌స‌రాకి మ‌రి కొన్ని సినిమాలు క‌ర్చీప్ వేసుకోవ‌డానికి రెడీ అవుతున్నాయి. వాటితో వెంకీ మామ పోటీ ప‌డాల్సివుంటుంది.