త‌న సినిమాలో ప‌నిచేసిన క‌థానాయిక‌ల్ని రిపీట్ చేయ‌డం త్రివిక్ర‌మ్‌కి అల‌వాటు. స‌మంత, ఇలియానా లాంటి క‌థానాయిల్ని త్రివిక్ర‌మ్ మ‌ళ్లీ మ‌ళ్లీ తెర‌పైకి తీసుకొచ్చాడు. ఇప్పుడు పూజా హెగ్డేనీ 'రిపీట్' చేయ‌బోతున్న‌ట్టు టాక్‌. త్రివిక్ర‌మ్ ద‌ర్శ‌క‌త్వంలో అల్లు అర్జున్ క‌థానాయ‌కుడిగా ఓ చిత్రం రూపుదిద్దుకుంటోంది. ఇందులో క‌థానాయిక‌గా చాలామంది పేర్లు ప‌రిశీలించారు. చివ‌రికి పూజాకి ఫిక్స‌యిన‌ట్టు స‌మాచారం.
'అర‌వింద స‌మేత వీర రాఘ‌వ'లో క‌థానాయిక‌గా న‌టించింది పూజా. అన్న‌ట్టు బ‌న్నీకి కూడా పూజాతో న‌టించ‌డం ఇది రెండో సారి. వీరిద్ద‌రూ 'డీజే'తో జోడీ క‌ట్టిన సంగ‌తి తెలిసిందే. ఇప్పుడు మ‌రోసారి పూజాకి ఫిక్స‌య్యాడ‌న్న‌మాట. 'మ‌హ‌ర్షి' మిన‌హా పూజా హెగ్డే చేతిలో పెద్ద సినిమా ఏదీ లేదు. ఆ లోటుని త్రివిక్ర‌మ్ సినిమా తీర్చేసిన‌ట్టే. మార్చిలో ఈ చిత్రం ప‌ట్టాలెక్కే అవ‌కాశాలు క‌నిపిస్తున్నాయి.
