ఇటీవల ఏరియల్‌ యోగాలో భాగంగా తన శరీరాన్ని గాల్లో వేలాడదీసి, అందమైన విల్లులా వంచేసిన పూజాహెగ్డే మరోసారి తన శరీరంతో ప్రయోగం చేసి, నెటిజన్స్‌కి షాకిచ్చింది. ఈ సారి గాల్లో కాదు కానీ, నేలమీదే విల్లులా వెనక్కి వంచేసింది. బాబోయ్‌ ఇలాంటి క్రిటికల్‌ ఫీట్లు చేయాలంటే చాలా ప్రాక్టీస్‌ కావాలండోయ్‌. ఫిట్‌నెస్‌ నిపుణుల ఆధ్వర్యంలోనే ఇలాంటి ఫీట్లు వేయాల్సి ఉంటుంది.
తాజాగా పూజా హెగ్డే వేసిన ఈ ఉల్టా ఫీట్‌కి ఆమె ఫ్యాన్స్‌ ఫిదా అయిపోతున్నారు. ఈ వీడియోని పోస్ట్‌ చేసి, 'ఈ వీడియో ఇక్కడ పోస్ట్‌ చేసేందుకు అర్హమైనదే..' అని జస్టిఫికేషన్‌ క్యాప్షన్‌ కూడా ఈ ముద్దుగుమ్మే ఇచ్చేసింది. ఈ వీడియోకి బోలెడన్ని లైకులు, కామెంట్లు వచ్చేస్తున్నాయ్‌. అసలింతకీ పూజాహెగ్దే ఎందుకిన్ని క్రిటికల్‌ వర్కవుట్లు చేసేస్తోందో కానీ, నిజానికి ఈ బ్యూటీ స్లిమ్‌గానే ఉంటుంది.
అయితే వర్కవుట్స్‌ అనేవి కేవలం స్లిమ్‌గా ఉండేందుకే కాదు, ఆరోగ్యంతో పాటు, శరీరంపై పూర్తి అదుపు సాధించేందుకే అంటోంది అందాల పూజాహెగ్దే. బికినీలు, షార్ట్‌ డ్రస్సుల్లో అందాల ఆరబోత బోర్‌ కొట్టింది కాబోలు పూజా ఈ నయా ట్రెండ్‌తో కిర్రాకు పుట్టిస్తోంది. ఏది ఏమైనా పూజాహెగ్దే ఫాలో చేస్తున్న ఈ ఫీట్లు కూసింత కష్టమే సుమీ. సహజంగా ఆచరించలేనివివి.
ఇదిలా ఉంటే, ఈ బ్యూటీ చేతిలో ప్రస్తుతం రెండు క్రేజీ ప్రాజెక్టులున్నాయి. 'మహర్షి' సినిమాలో మహేష్‌కి జోడీగా నటిస్తోంది. తర్వాత ప్రబాస్‌తో ఓ సినిమా చేయనుంది. బాలీవుడ్‌లోనూ ఒక సినిమాలో నటిస్తోంది. ఇవి కంప్లీట్‌ అయ్యేలోగా మరిన్ని క్రేజీ ప్రాజెక్టులు పూజా ఖాతాలో పడతాయేమో చూడాలి మరి.
