డేరింగ్‌ అండ్‌ డాషింగ్‌ డైరెక్టర్‌ పూరీ జగన్నాధ్‌ ఇంకో టైటిల్‌ని రిజిస్టర్‌ చేయించారు. అదేంటో తెలుసా.? 'డబుల్‌ ఇస్మార్ట్‌'. ఆల్రెడీ 'ఇస్మార్ట్‌ శంకర్‌' టైటిల్‌తో పూరీ సినిమా సెట్స్‌పై ఉన్న సంగతి తెలిసిందే. యంగ్‌ అండ్‌ ఎనర్జిటిక్‌ రామ్‌ ఈ సినిమాలో హీరోగా నటిస్తున్నాడు. కాగా ఈ తాజా టైటిల్‌ ఏంటబ్బా అంటే.. అర్ధమైపోయే ఉంటుందిలెండి.
అవును 'ఇస్మార్ట్‌ శంకర్‌'కి సీక్వెల్‌ కోసమే పూరీ ఈ టైటిల్‌ రిజిస్టర్‌ చేయించాడట. అంటే 'ఇస్మార్ట్‌ శంకర్‌' మూవీపై పూరీ ఎంత కాన్ఫిడెంట్‌గా ఉన్నాడో అర్ధం చేసుకోవచ్చు. ఈ సినిమా ఇంకా పూర్తి కాకుండానే, జనంలోకి రాకుండానే సీక్వెల్‌ ప్లాన్‌ చేశాడంటే పూరీ మామూలోడు కాదండోయ్‌. ఏదో పెద్ద ప్లానే వేసేశాడు. అయితే ఈ సీక్వెల్‌కి సంబంధించి హీరో, ఇతర టెక్నీషియన్లు ఎవరనే విషయం ఇంకా తెలియాల్సి ఉంది.
అలాగే ఈ సినిమాని పూరీ పూరీ కనెక్ట్స్‌ బ్యానర్‌లోనే రూపొందిస్తారా.? లేక ఇతర బ్యానర్‌లో రూపొందనుందా అనేది కూడా ముందు ముందు తెలియనుంది. ఇదిలా ఉంటే, ఇస్మార్ట్‌ శంకర్‌ షూటింగ్‌ శరవేగంగా జరుగుతోంది. ఇద్దరు ముద్దుగుమ్మలు ఈ సినిమాలో నటిస్తున్నారు. ఒకరు నిధి అగర్వాల్‌ కాగా, మరో ముద్దుగుమ్మ నభా నటేష్‌. ఇక 'డబుల్‌ ఇస్మార్ట్‌'లో చోటు దక్కించుకునే ముద్దుగుమ్మలెవరో లెట్స్‌ వెయిట్‌ అండ్‌ సీ.!
