యాంగ్రీ యంగ్‌మ్యాన్‌గా పాపులర్‌ అయిన రాజశేఖర్‌కి కెరీర్‌ ముగిసిపోయిందనుకున్న తరుణంలో 'గరుడవేగ' సూపర్‌ డూపర్‌ హిట్‌తో బౌన్స్‌ బ్యాక్‌ అయ్యాడు. నిజానికి 'గరుడవేగ' సినిమా మీద ఎవరూ పెద్దగా నమ్మకాలు పెట్టుకోలేదు. కానీ హిట్‌ కొట్టింది. అలాగే 'కల్కి' మీద కూడా అలాంటి సంకేతాలే కనిపిస్తున్నాయి. యంగ్‌ డైరెక్టర్‌ ప్రశాంత్‌ వర్మ చాలా కాన్ఫిడెంట్‌గా ఈ సినిమాని తెరకెక్కించాడట.
1980ల కాలం నాటి యదార్ధ గాథని ఆధారంగా చేసుకుని ఈ సినిమాని తెరకెక్కించారు. ప్రతీ ఫ్రేమ్‌నీ చాలా నేచురల్‌గా తెరకెక్కించారట. తాజాగా రాజశేఖర్‌ పుట్టినరోజు సందర్భంగా 'కల్కి' టీజర్‌ విడుదలైంది. టీజర్‌లో వర్షంలో చేత్తో గొడుగు పట్టుకుని, రాజశేఖర్‌ విలన్స్‌ తాట తీసున్న యాక్షన్‌ సీన్‌ని చూపించారు. మధ్యలో యాంగ్రీస్టార్‌కి బర్త్‌డే విషెస్‌ తెలిపారు. మేలో ఈ సినిమాని ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు.
శివానీ, శివాత్మిక మూవీస్‌ పతాకంపై సి. కళ్యాణ్‌ ఈ సినిమాని సంయుక్తంగా నిర్మిస్తున్నారు. ఆదాశర్మ, నందితా శ్వేత, స్కార్లెట్‌ మెర్లిన్‌ విల్సన్‌ ఈ సినిమాలో హీరోయిన్లుగా నటిస్తున్నారు. కమెడియన్‌ రాహుల్‌ రామకృష్ణ ఓ ఇంపార్టెంట్‌ రోల్‌ పోషిస్తున్నాడు. కాగా రాజశేఖర్‌ ఈ సినిమాతో మరోసారి హిట్‌ కొట్టేలా ఉన్నాడు. టీజర్‌లో ఆయన పవర్‌ఫుల్‌ లుక్స్‌ ఫ్యాన్స్‌లో మరోసారి ఆశలు రేకెత్తిస్తున్నాయి. చూడాలి మరి ఆ ఆశల్ని రాజశేఖర్‌ నిజం చేస్తారో లేదో.!
