ముద్దుగుమ్మ రష్మికాకి గోల్డెన్‌ ఛాన్స్‌ దక్కిందా అంటే అవుననే అంటున్నాయి టాలీవుడ్‌ వర్గాలు. ఆ గోల్డెన్‌ ఛాన్స్‌ ఏంటయ్యా అంటే స్టైలిష్‌ స్టార్‌ అల్లు అర్జున్‌తో ఈ క్రేజీ బ్యూటీ జత కట్టబోతోందట. అల్లు అర్జున్‌ - సుకుమార్‌ కాంబోలో తెరకెక్కబోయే సినిమా కోసం రష్మికాని దాదాపు ఫిక్స్‌ చేసేశారనీ తెలుస్తోంది. ఈ విషయాన్ని ఇన్‌డైరెక్ట్‌గా ఆల్రెడీ రష్మికా ఫ్యాన్స్‌కి రివీల్‌ చేసేసింది కూడా. 'ఛలో' సినిమాతో తెరంగేట్రం చేసిన కన్నడ భామ రష్మికా తెరంగేట్రానికి ముందే అల్లు అర్జున్‌తో సినిమా అంటూ క్రేజీగా వార్తలు వినిపించాయి.
అయితే అప్పుడు అవి నిజం కాలేదు. కానీ ఇప్పుడు నిజమయ్యేలానే ఉన్నాయి. టాలీవుడ్‌లో రెండు సినిమాలతోనే మోస్ట్‌ క్రేజీయెస్ట్‌ హీరోయిన్‌గా మారిపోయింది రష్మికా మండన్నా. త్వరలో 'డియర్‌ కామ్రేడ్‌' సినిమాతో రాబోతోంది. 'గీత గోవిందం' సినిమాతో క్రేజీ పెయిర్‌గా పేరు తెచ్చుకున్న విజయ్‌ దేవరకొండ - రష్మికా మండన్నా జంట ఈ సినిమాతో మరోసారి స్క్రీన్‌ షేర్‌ చేసుకుంటున్న సంగతి తెలిసిందే.
దీంతో పాటు, నైజాం బుల్లోడు నితిన్‌తో రష్మికా 'భీష్మ' సినిమాలో నటిస్తోంది. తాజాగా అల్లు అర్జున్‌ ప్రాజెక్ట్‌తో అమ్మడి రేంజ్‌ మరింత పెరిగిపోయింది. ప్రస్తుతం అల్లు అర్జున్‌ త్రివిక్రమ్‌ సినిమాలో నటిస్తున్న సంగతి తెలిసిందే. నిజానికి రష్మికను త్రివిక్రమ్‌ సినిమా కోసమే తీసుకోవాలనుకున్నారు. కానీ ఈ సినిమాలో పూజా హెగ్దే పేరు పరిశీలనలో ఉంది.
