స్టైలిష్‌ స్టార్‌ అల్లు అర్జున్‌ పుట్టినరోజు ఈ రోజు. ఈ సందర్భంగా అల్లు అర్జున్‌కి సోషల్‌ మీడియా వేదికగా విషెస్‌ వెల్లువెత్తుతున్నాయి. అంతేకాదు, ఈ సందర్భంగా అల్లు అర్జున్‌ ఫ్యాన్స్‌కి మరో గుడ్‌న్యూస్‌. అల్లు అర్జున్‌ తదుపరి కొత్త సినిమాని అనౌన్స్‌ చేశాడు. సినిమా పేరు 'ఐకాన్‌ - కనబడుటలేదు'. వేణు శ్రీరామ్‌ దర్శకత్వంలో ఈ సినిమా తెరకెక్కుతోంది. 'ఓ మై ఫ్రెండ్‌', 'ఎంసీఏ' చిత్రాలతో దర్శకుడిగా సుపరిచితుడు వేణు శ్రీరామ్‌.
#ICON - కనబడుట లేదు
— Sri Venkateswara Creations (@SVC_official) April 7, 2019
Happy to announce our 4th collaboration with Southern Star @AlluArjun.
Written and Directed by Sriram Venu#HBDAlluArjun pic.twitter.com/oRd0tbkrIH
ఈ యంగ్‌స్టర్‌ చెప్పిన కథ బన్నీని ఇంప్రెస్‌ చేయడంతో ఆ స్టోరీకి ఓకే చేశాడు. బర్త్‌డే సందర్భంగా సినిమా అనౌన్స్‌ చేసి ఫ్యాన్స్‌ని సర్‌ప్రైజ్‌ చేశాడు. ఈ సినిమాని శ్రీవెంకటేశ్వర క్రియేషన్స్‌ బ్యానర్‌లో దిల్‌ రాజు నిర్మిస్తున్నారు. ఆల్లు అర్జున్‌ ప్రస్తుతం త్రివిక్రమ్‌ శ్రీనివాస్‌ దర్శకత్వంలో సినిమా చేస్తున్నాడు. ఈ సినిమా రేపో మాపో పట్టాలెక్కనుంది. అయితే తాజాగా అనౌన్స్‌ చేసిన సినిమా సంగతేంటీ.?
త్రివిక్రమ్‌ సినిమా తర్వాత ఈ సినిమా పట్టాలెక్కుతుందా.? అంటే కాదని అంటున్నాయి ఫిలిం నగర్‌ వర్గాలు. స్టోరీ ఉంది, డైరెక్టర్‌ రెడీ. నిర్మాత రెడీ.. సో సమారతరంగా రెండు సినిమాలనూ పూర్తి చేయాలనుకుంటున్నాడట బన్నీ. ఒకవేళ అదే నిజమైతే ఇంతవరకూ తీసుకున్న గ్యాప్‌ని ఇలా ఫుల్‌ ఫిల్‌ చేయనున్నాడన్న మాట. ఫ్యాన్స్‌కి ఇంత చక్కని గుడ్‌ న్యూస్‌ చెప్పిన బన్నీకి మనం కూడా బర్త్‌డే విషెస్‌ చెప్పేద్దామా.. హ్యాపీ బర్త్‌డే టు బన్నీ.
