పెళ్లి తర్వాత కూడా ముద్దుగుమ్మ సమంత జోరు ఏమాత్రం తగ్గలేదు. వరుసపెట్టి సినిమాలు చేస్తోంది. కొత్త ప్రాజెక్టులకు సైన్‌ చేస్తోంది. ఇప్పటికే సమంత చేతిలో రెండు, మూడు సినిమాలున్నాయి. రియల్‌ లైఫ్‌ పాట్నర్‌ అయిన చైతూతో స్క్రీన్‌ షేర్‌ చేసుకుంటున్న 'మజిలీ' చిత్రం సెట్స్‌పై ఉంది. శివ నిర్వాణ దర్శకత్వంలో రొమాంటిక్‌ థ్రిల్లర్‌గా ఈ సినిమా రూపొందుతోంది.
మరోవైపు నందినీ రెడ్డి దర్శకత్వంలో ఓ కొరియన్‌ మూవీ రీమేక్‌లో సమంత నటిస్తోంది. ఈ సినిమాలో సమంత ఓ ప్రయోగాత్మక పాత్ర పోషిస్తోందని ప్రచారం జరుగుతోన్న సంగతి తెలిసిందే. తాజాగా దిల్‌రాజు మూవీకి సమంత సైన్‌ చేసినట్లు తెలుస్తోంది. తమిళంలో విజయ్‌ సేతుపతి, త్రిష జంటగా తెరకెక్కిన '96' మూవీ ఇటీవల సంచలన విజయం అందుకున్న సంగతి వింటున్నాం.
ఈ సక్సెస్‌ఫుల్‌ మూవీని తెలుగులో రీమేక్‌ చేయనున్నారట. ఒరిజినల్‌ని తెరకెక్కించిన ప్రేమ్‌ కుమారే ఈ సినిమాని సమంత హీరోయిన్‌గా తెలుగులో రీమేక్‌ చేయనున్నారట. విజయ్‌సేతుపతి పాత్రను యంగ్‌హీరో శర్వానంద్‌ పోషిస్తున్నారట. త్వరలోనే ఈ సినిమాకి సంబంధించి అధికారిక ప్రకటన రానుందట. మొత్తానికి సమంత వరుస సినిమాలను ఎంచుకోవడమే కాకుండా, క్రేజీయెస్ట్‌ ప్రాజెక్టులతో బిజీగా గడుపుతోంది.
