సాయి ధరమ్‌ తేజ్‌ నెక్స్‌ట్‌ ఏంటీ.?

మరిన్ని వార్తలు

ఎట్టకేలకు 'చిత్రలహరి' సినిమాతో ఊపిరి పీల్చుకున్నాడు సుప్రీం హీరో సాయి ధరమ్‌ తేజ్‌. పేరు మార్చుకుంటే తప్ప లక్కు కలిసిరాలేదేమో ఈ మెగా మేనల్లుడికి. సాయి ధరమ్‌ తేజ్‌ కాస్తా 'చిత్రలహరి' కోసం సాయి తేజ్‌గా మారిన విషయం విదితమే. ఇది కేవలం ఈ సినిమాకి మాత్రమే పరిమితమని గతంలో సాయి ధరమ్‌ తేజ్‌ చెప్పినా, ఇకపై సినిమాలకి కూడా 'సాయి తేజ్‌'గానే కొనసాగాలనే నిర్ణయానికి వచ్చాడట. అదీ మేనమామ పవన్‌కళ్యాణ్‌ సూచనలతోనేనని సమాచారమ్‌. 

 

ఇదిలా వుంటే, తన తదుపరి సినిమాని మారుతి దర్శకత్వంలో చేయబోతున్నాడు ఈ సుప్రీం హీరో. మారుతి సినిమాల్లో ఫన్‌ చాలా ఎక్కువగా వుంటుంది. ఆ కామెడీ టైమింగ్‌ సాయి తేజ్‌లో చాలానే వుంది. పైగా, 'చిత్రలహరి' సినిమాతో నటుడిగా ఓ మెట్టు పైకెక్కాశాడు కూడా. దాంతో, మారుతి సినిమాలో సాయి ధరమ్‌ తేజ్‌కి టైలర్‌ మేడ్‌ క్యారెక్టర్‌ దొరికినట్లేనని భావించొచ్చు. 

 

ఇదిలా వుంటే, మారుతి తొలుత చిరంజీవి సినిమాల్లోంచి ఓ సూపర్‌ హిట్‌ సాంగ్‌ని రీమిక్స్‌ చేయాలని అనుకున్నా, ఆ నిర్ణయం నుంచి ఇప్పుడు పక్కకు తప్పుకున్నాడట. కొన్నాళ్ళపాటు భిన్నమైన ఆలోచనలతోనే ముందడుగు వేయాలన్నది సాయితేజ్‌ ఆలోచనలా కన్పిస్తోంది. ఆ నిర్ణయానికి కట్టుబడి మంచి కథల్ని సాయి తేజ్‌ ఎంచుకోగలిగితే, హీరోగా తనదన ముద్ర వేయగలుగుతాడు తెలుగు తెరపై.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS