టాలీవుడ్ జక్కన్న రాజమౌళి దర్శకత్వంలో జూ. ఎన్టీఆర్, రామ్ చరణ్ కాంబినేషన్ లో తెరకెక్కుతున్న బిగ్గెస్ట్ మల్టీ స్టారర్ 'ఆర్ఆర్ఆర్'. ఈరోజు ఏర్పాటు చేసిన ప్రెస్ మీట్ లో చిత్రానికి సంబందించిన కొన్ని విషయాలను వెల్లడించింది చిత్ర యూనిట్. ఈ చిత్రంలో రామ్ చరణ్ అల్లూరి సీతారామరాజు గా, ఎన్టీఆర్ కొమరం భీమ్ పాత్రల్లో కనిపించనున్నారని దర్శకుడు రాజమౌళి తెలియచేసారు.
స్వాతంత్ర సమరయోధులుగా మారకముందు అల్లూరి సీతారామరాజు మరియు కొమరం భీమ్ జీవితం ఎలా ఉండేది అనే అంశంతో తెరకెక్కనున్న ఈ సినిమాలో బాలీవుడ్ యాక్షన్ హీరో అజయ్ దేవగన్ ఒక కీలక పాత్ర పోషించనున్నారు. ఇదిలా ఉంటే, నిర్మాత దానయ్య మాట్లాడుతూ ఈ ప్రతిష్టాత్మక మల్టీ- స్టారర్ చిత్రాన్ని జూలై 30, 2020న ప్రపంచవ్యాప్తంగా పది భాషల్లో విడుదలవుతుందని చెప్పారు. ఇకపోతే, 2019 సంవత్సరానికి గాను ఈ సినిమాకి సంభందించి ఎలాంటి అప్ డేట్ ఉండబోదని 2020లోనే అన్నీ అంశాలను రివీల్ చేస్తారని కూడా క్లారిటీ ఇచ్చేసారు.
