తొలి ప్రేమ‌తో తొలి అడుగులోనే ద‌ర్శ‌కుడిగా మంచి గుర్తింపు తెచ్చుకున్నాడు వెంకీ అట్లూరి. ఆ వెంట‌నే అఖిల్‌తో మిస్ట‌ర్ మ‌జ్ను సినిమాని ప‌ట్టాలెక్కించేశాడు. ఇప్పుడు మూడో సినిమా కూడా దాదాపుగా ఖారారైపోయింది. వెంకీ అట్లూరి త‌దుప‌రి సినిమా విజ‌య్ దేవ‌ర‌కొండ‌తోనే అని టాలీవుడ్ టాక్. ఈ చిత్రాన్ని మైత్రీ మూవీస్ నిర్మించ‌నున్న‌ద‌ట. ఇప్ప‌టికే మైత్రీ మూవీస్ అటు విజ‌య్‌కీ ఇటు వెంకీకి అడ్వాన్స్ ఇచ్చేసింది. కథ కుదిరితే... వెంట‌నే ఈ సినిమాని ప‌ట్టాలెక్కించేస్తార‌ని స‌మాచారం.
ప్ర‌స్తుతం విజ‌య్ `డియ‌ర్ కామ్రేడ్‌` షూటింగ్‌లో బిజీగా ఉన్నాడు. ఈ వేస‌విలో ఈ చిత్రం విడుదల అవుతుంది. ఆ వెంట‌నే... వెంకీ అట్లూరి సినిమా మొద‌ల‌య్యే అవ‌కాశాలున్నాయి. `మ‌జ్ను` ఈనెల 25న విడుదల అవుతున్న సంగ‌తి తెలిసిందే. ఇప్ప‌టికే పాట‌లు, ప్ర‌చార చిత్రాల‌కు మంచి స్పంద‌న వ‌చ్చింది. సెన్సార్ టాక్ కూడా పాజిటీవ్‌గానే ఉంది. అందుకే వెంకీపై క‌ర్చీఫ్‌లు సిద్ధం చేసేస్తున్నారు నిర్మాత‌లు.
