రియల్‌ లైఫ్‌ మామా అల్లుళ్లు రీల్‌ లైఫ్‌ మామా అల్లుళ్లుగా తెరకెక్కుతోన్న చిత్రం 'వెంకీ మామ'. విక్టరీ వెంకటేష్‌, నాగచైతన్య కాంబినేషన్‌లో మల్టీ స్టారర్‌ మూవీగా రూపొందుతోన్న ఈ చిత్రాన్ని బాబీ తెరకెక్కిస్తున్నారు. ఇదిలా ఉంటే, ఈ మామా అల్లుళ్ల కాంబినేషన్‌కి అబ్బాయ్‌ కూడా తోడయ్యాడు. రానా ఈ సినిమాలో ఇంపార్టెంట్‌ రోల్‌ పోషిస్తున్నాడట. ఇదిలా ఉంటే ఇంతకు ముంద అనుకున్న కథలో కొన్ని కీలక మార్పులు చేశారనీ తెలుస్తోంది.
రానా రాకతోనే కథలో మార్పులు జరిగాయని ప్రచారం జరుగుతోంది. అసలింతకీ ఈ సినిమాలో రానా క్యారెక్టర్‌ ఏంటీ.? అనే అనుమానాలు తలెత్తుతున్నాయిప్పుడు. శ్రియ, రకుల్‌ ఈ సినిమాలో హీరోయిన్లుగా కన్‌ఫామ్‌ అయ్యారు. రానా కోసం మరో హీరోయిన్‌ని వెతికే పనిలో ఉందట చిత్ర యూనిట్‌. సురేష్‌ ప్రొడక్షన్స్‌ బ్యానర్‌లో ఈ చిత్రాన్ని రూపొందిస్తున్నారు. బడ్జెట్ విషయంలో కాస్త ఎక్కువగానే ఆలోచిస్తున్నాడట సురేష్‌బాబు. ఖర్చు విషయంలో ఏమాత్రం రాజీ పడకూడదనుకుంటున్నాడట.
ఇదిలా ఉంటే రానా క్యారెక్టర్‌ విషయంలో ఇంకా చాలా రకాల గాసిప్స్‌ వినిపిస్తున్నాయి. రానాని ఈ సినిమాలో కీలకంగా చూపించబోతున్నారనీ తెలుస్తోంది. రానా ఎంట్రీతో చైతూ క్యారెక్టర్‌కి వెయిట్‌ తగ్గిపోతుందని భావిస్తున్నారట అక్కినేని ఫ్యాన్స్‌. 'ఎఫ్‌ 2' బంపర్‌ హిట్‌తో వెంకీ ఫుల్‌ స్వింగ్‌లో ఉన్నాడు. ఇక రానా బేస్‌ సంగతి చెప్పనే అక్కర్లేదు. చూడాలి మరి వెంకీ, రానా, చైతూ ఈ ముగ్గురి కాంబినేషన్‌లో 'వెంకీ మామ' ఎంత అద్భుతంగా రూపు దిద్దుకోనుందో.!
