ఆనంద్‌ దేవరకొండ - శివాత్మిక ఎట్‌ '1947 లవ్‌స్టోరీ'.?

By Inkmantra - April 01, 2019 - 13:30 PM IST

మరిన్ని వార్తలు

సెన్సేషనల్‌ హీరో విజయ్‌ దేవరకొండ సోదరుడు ఆనంద్‌ దేవరకొండ, సీనియర్‌ నటుడు రాజశేఖర్‌ - జీవిత దంపతుల కుమార్తై అయిన శివాత్మిక జంటగా తెరకెక్కుతోన్న చిత్రం 'దొరసాని'. లేటెస్ట్‌గా ఈ సినిమా టైటిల్‌ లోగోని విడుదల చేశారు. లోగో చూస్తుంటే ఇంట్రెస్టింగ్‌గా ఉంది. కానీ ఇదో పీరియాడికల్‌ స్టోరీని తలపిస్తోంది. గాలిలో ఎగురుతున్న రెడ్‌ కలర్‌ చున్నీ సింబాలిక్‌గా ఉంచి కింద 'దొరసాని' టైటిల్‌ని డిజైన్‌ చేశారు. టైటిల్‌ కింద ఓ పల్లెటూరి వాతావరణం ప్రతిబింబించేలా షేడోలో చూపించారు. 

 

దగ్గరగా పరిశీలించి చూస్తే, ఆ షేడోలో ఓ పక్క సైకిలు, ఇద్దరు వ్యక్తులు ముచ్చటించుకుంటున్న వైనం, మరోపక్క చేతిలో జెండా పట్టుకుని ఓ వ్యక్తి ముందుకు నడుస్తుండగా, మరో ముగ్గురు ఆయన్ను ఆనుసరిస్తున్న వైనం తారసపడుతోంది. ఇదంతా చూస్తుంటే, అప్పుడెప్పుడో ఆర్య, అమీజాక్సన్‌ జంటగా వచ్చిన '1947 లవ్‌స్టోరీ' సినిమా తలపుకు వస్తోంది. ఆ సినిమాలో అమీజాక్సన్‌ బ్రిటీష్‌ యువతి కాగా, హీరో ఆర్య ఇండియన్‌ పోరాట యోధుడు. 

 

1947లో స్వాతంత్య్రం కోసం పోరాటం జరుగుతున్న తరుణంలో వీరిద్దరి మధ్యా లవ్‌స్టోరీని చాలా ఎమోషనల్‌గా, హార్ట్‌ టచ్చింగ్‌గా తెరకెక్కించాడు డైరెక్టర్‌ విజయ్‌. ఆ సినిమాలో హీరోయిన్‌ పేరు దొరసానమ్మ. సో ఆ నేపథ్యంలో ఈ సినిమా ఉండబోతోందా.? అనిపిస్తోంది. అయితే టైటిల్‌ లోగోని చూసి అంచనా వేయలేం కదా, నటీ నటుల గెటప్స్‌, ప్రచార చిత్రాల ద్వారా ఓ అవగాహనకు రావచ్చు.

 

ఆనంద్‌ దేవరకొండకు, శివాత్మికకు ఇదే తొలి చిత్రం కావడం, తొలి సినిమాకే ఇలాంటి క్రిటికల్‌ సబ్జెక్ట్‌ని ఎంచుకోవడం అభినందించాల్సిన విషయమే. అటెంప్ట్‌ ఓకే రిజల్ట్‌ ఎలా ఉంటుందనేది మాత్రం అప్పుడే చెప్పలేం. 


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS