కన్నడ నటుడు యష్‌ హీరోగా తెరకెక్కిన 'కేజీఎఫ్‌'ని రూపొందించేటప్పుడు చిత్ర యూనిట్‌ ఇతర సినీ పరిశ్రమల గురించి ఆలోచించలేదు. కేవలం ఓ కన్నడ సినిమాగానే విడదుల చేశారు. అయితే రిలీజ్‌కి ముందు టీజర్‌కి వచ్చిన హైప్‌తో బాలీవుడ్‌లోనూ, టాలీవుడ్‌లోనూ కూడా ఈ సినిమాపై అంచనాలు పెరిగాయి. ఆ అంచనాలకు తగ్గట్లుగానే భారీగా ఈ సినిమాకి వసూళ్లు పోటెత్తాయి. బాలీవుడ్‌లో అయితే ఆ సినిమాతో పాటు వచ్చిన సినిమాలు దారుణంగా దెబ్బ తినేశాయి. 

బాహుబలి తర్వాత ఆ స్థాయిలో మాట్లాడుకున్న సౌత్‌ సినిమా ఇదే. ఇప్పటికే కర్ణాటకలో బాహుబలి వసూళ్లను బీట్‌ చేసేసింది 'కేజీఎఫ్‌'. ఈ హైప్‌ని బట్టి 'కేజీఎఫ్‌ 2'ను భారీ స్థాయిలో తెరకెక్కించాలనుకుంటున్నారట. ఇప్పుడొచ్చింది 'కేజీఎఫ్‌ చాప్టర్‌ 1'గా అభివర్ణిస్తున్నారు. తాజాగా తెరకెక్కించేది 'కేజీఎఫ్‌ ఛాప్టర్‌ 2'గా రూపొందించనున్నారట. ఈ సినిమాలో ఓ కీలక పాత్ర కోసం బాలీవుడ్‌ నటుడు సంజయ్‌దత్‌ ఓ కీలక పాత్ర పోషిస్తున్నాడట. 

'బాహుబలి'ని మించిపోయేలా ఈ 'కేజీఎఫ్‌ చాప్టర్‌ 2' ఉంటుందట. బాలీవుడ్‌తో పాటు, ఇతర భాషల నుండి కూడా పలువురు నటీనటులు ఈ సినిమాలో నటించనున్నారట. కన్నడ మూవీ అని మాత్రమే కాకుండా సౌత్‌ ఇండియన్‌ మూవీ అనేలా 'కేజీఎఫ్‌ 2'ను ప్లాన్‌ చేస్తున్నారట. చూడాలి మరి బాహుబలి సిరీస్‌లా 'కేజీఎఫ్‌' సిరీస్‌ కూడా సౌత్‌ ఇండియన్‌ మూవీ స్థాయిని విస్తరిస్తాయేమో.!