వైఎస్ఆర్ చేసిన పాద‌యాత్ర ఆధారంగా తెర‌కెక్కిన చిత్రం 'యాత్ర'. మ‌హి వి రాఘ‌వ ద‌ర్శ‌క‌త్వం వ‌హించారు. వైఎస్ఆర్‌గా మ‌మ్ముట్టి న‌టించారు. శుక్ర‌వారం ఈ చిత్రం విడుద‌లైంది. రివ్యూలు, మౌత్ టాక్ పాజిటీవ్‌గా ఉండ‌డంతో ఈ సినిమాకి మంచి వ‌సూళ్లే ద‌క్కాయి. తొలి రోజు రూ.2.30 కోట్ల షేర్ ద‌క్కించుకుంది. శ‌ని, ఆదివారాలూ ఈ వ‌సూళ్లు నిల‌క‌డ‌గానే ఉండే అవ‌కాశాలు క‌నిపిస్తున్నాయి.
నైజాంలో అత్య‌ధికంగా రూ.60 ల‌క్ష‌లు తెచ్చుకుంది. సీడెడ్‌లో రూ.43 ల‌క్ష‌ల వ‌ర‌కూ వ‌చ్చాయి. గుంటూరులో 46 ల‌క్ష‌లు వ‌సూలు చేసింది. ఈస్ట్, వెస్ట్ రెండు చోట్లా వ‌సూళ్లు త‌క్కువ‌గానే క‌నిపించాయి. ఓవ‌ర్సీస్‌లో ఈ చిత్రానికి ఓ మోస్త‌రు వ‌సూళ్లు ద‌క్కాయి. మొత్తంగా తొలిరోజు 'యాత్ర' సినిమా బాక్సాఫీసు ద‌గ్గ‌ర పాస్ మార్కులు తెచ్చుకున్న‌ట్టే. ఇదే నిల‌క‌డ కొన‌సాగిస్తే.. టోట‌ల్ ర‌న్‌లో క‌నీసం రూ.10 కోట్ల వ‌సూళ్లు చేజిక్కించుకునే అవ‌కాశాలు క‌నిపిస్తున్నాయి.
