హాస్య బ్రహ్మగా తెలుగు ప్రేక్షకుల్లో సుస్థిర స్థానాన్ని సంపాదించుకున్న స్టార్ కమెడియన్‌ బ్రహ్మానందం.. ఈ మధ్యనే అనారోగ్యంతో హాస్పిటల్లో చేరిన సంగతి తెలిసిందే. ముంబై లోని ఏషియన్ హార్ట్ ఇనిస్టిట్యూట్ లో.. హార్ట్ సర్జరీ చేయించుకున్న ఆయన క్రమంగా కోలుకుని తాజాగా ఇంటికి వచ్చారు. దాంతో.. టాలీవుడ్ లోని పలువురు నటీనటులు బ్రహ్మీ ఇంటికి వెళ్లి క్షేమ, సమాచారాలు అడిగి తెలుసుకుంటున్నారు. వారిలో.. మన స్టైలిష్ స్టార్ అల్లు అర్జున్ కూడా ఉన్నారు.
తాజాగా బన్నీ గురువారం బ్రహ్మానందం గారిని కలిసి ఆయన ఆరోగ్యం గురించి పరామర్శించారు. ఆ క్రమంలో బ్రహ్మీతో సరదాగా ఫోటో దిగారు. "బ్రహ్మనందం నిజమైన ఉక్కు మనిషి. ఆనందంగా, నిర్భయంగా, దృఢమైన మనోధైర్యంతో కిల్ బిల్ పాండే వ్యాధిని కిల్ చేసారు" అంటూ బ్రహ్మీతో దిగిన ఫోటోని ట్విట్టర్ ద్వారా అభిమానులకు షేర్ చేసారు.
ఈ ఫోటో చూస్తుంటే.. బ్రహ్మానందం మళ్ళీ సంపూర్ణ ఆరోగ్యవంతుడై తెలుగు తెరపై నవ్వులు పండించడానికి సిద్ధంగా ఉన్నారనిపిస్తుంది. ఇదిలా ఉండగా, ప్రస్తుతం త్రివిక్రమ్ శ్రీనివాస్ దర్శకత్వంలో అల్లు అర్జున్ నటిస్తున్న తన 19వ చిత్రం ప్రీ ప్రొడక్షన్ పనుల్లో బిజీగా ఉంది.
Real Iron Man . Man with a strong heart . Funny & Fearless . Soo happy to see my Kill Bill Pandey killing it . 😘❤️ pic.twitter.com/1bYygm84OL
— Allu Arjun (@alluarjun) February 7, 2019
