బిగ్ బాస్ 3 సీజ‌న్ జూలైలో మొద‌లుకాబోతోంది. అయితే హోస్ట్ ఎవ‌ర‌న్న విష‌యంలో ఇంకా క‌న్‌ఫ్యూజ‌న్‌గానే ఉంది. ఎన్టీఆర్ రాజమౌళి సినిమాతో బిజీ అయిపోయాడు. నాని ఇప్పుడున్న పొజీష‌న్ లో బిగ్ బాస్ చేసేలా క‌నిపించ‌డం లేదు. ఈలోగా కొన్ని పేర్లు బ‌య‌ట‌కు వ‌చ్చాయి. అల్లు అర్జున్‌, రానాల పేర్లు ప్ర‌ముఖంగా వినిపించాయి. బిగ్ బాస్ 3 నాగార్జున చేతికి వెళ్లిపోయింద‌ని కూడా చెప్పుకున్నారు. రెండ్రోజుల నుంచి విజ‌య్ దేవ‌ర‌కొండ పేరు వినిపిస్తోంది. ఇప్పుడు వెంక‌టేష్ చేస్తాడ‌న్న టాక్ బ‌య‌ట‌కు వ‌చ్చింది.
గ‌తంలో బిగ్ బాస్ 2 చేయ‌మ‌ని వెంకీని సంప్ర‌దించారు కూడా. కానీ వెంకీ సున్నితంగా తిర‌స్క‌రించాడు. ఈసారి మాత్రం వెంకీ బుల్లి తెర‌పై సంద‌డి చేయ‌డం ఖాయ‌మ‌ని ఓ వ‌ర్గం చెబుతోంది. అయితే `బిగ్ బాస్` వ‌ర్గాలు మాత్రం ఇంకా ఆప్ష‌న్ల వెదుకులాట‌లోనే ఉన్నాయ‌ని స‌మాచారం. బ‌న్నీ, విజ‌య్ దేవ‌ర‌కొండ, నాగార్జున, వెంకీ ఇవ‌న్నీ లిస్ట్‌లో ఉన్న పేర్లు. వీటిలో ఓ ఆప్ష‌న్‌ని ఎంచుకోవ‌చ్చు. డేట్లు, చేతిలో ఉన్న సినిమాలు.. ఇవ‌న్నీ దృష్టిలో ఉంచుకుని బిగ్ బాస్ 3 హోస్ట్‌ని సెలెక్ట్ చేస్తారు. అదెవ‌ర‌న్న‌ది త్వ‌ర‌లో తెలుస్తుంది.
