'నా పేరు సూర్య నా ఇల్లు ఇండియా' సినిమాతో తీవ్రంగా నిరాశపరిచిన బన్నీ తదుపరి చిత్రం విషయంలో కన్‌ఫ్యూజన్‌ వదిలేశాడు. పలువురి డైరెక్టర్లను పరిశీలించిన బన్నీ ఎట్టకేలకు త్రివిక్రమ్‌కి ఫిక్సయ్యాడు. త్రివిక్రమ్‌తోనే తన తదుపరి చిత్రం ఉండబోతోందని అఫీషియల్‌గా ప్రకటించేశాడు. బన్నీ - త్రివిక్రమ్‌ కాంబినేషన్‌లో గతంలో వచ్చిన 'జులాయి', 'సన్నాఫ్‌ సత్యమూర్తి' రెండు సినిమాలూ సూపర్‌ డూపర్‌ హిట్స్‌ అందుకున్నాయి.
సో ముచ్చటగా మూడోసారి వీరిద్దరూ హ్యాట్రిక్‌ కొట్టేందుకే రంగం సిద్ధం చేసినట్లుంది. 2019 జనవరిలో ఈ కొత్త సినిమాని లాంఛనంగా ప్రారంభించినున్నామని చిత్ర యూనిట్‌ ప్రకటించింది. ఈ సర్‌ప్రైజింగ్‌తో న్యూ ఇయర్‌కి వెల్‌కమ్‌ చెప్పి, ఫ్యాన్స్‌ని ఖుషీ చేసేశాడు బన్నీ. గీతా ఆర్ట్స్‌, హారికా హాసినీ బ్యానర్‌లలో అల్లు అరవింద్‌, రాధాక్రిష్ణ ఈ సినిమాని సంయుక్తంగా నిర్మించనున్నారు. త్రివిక్రమ్‌కీ, బన్నీకి ఈ సినిమా ప్రతిష్ఠాత్మకం కానుంది.
ఇద్దరూ ఖచ్చితంగా ఈ సినిమాతో హిట్‌ కొట్టి తీరాలి. ఈ కాంబినేషన్‌ అంటే ఇటు బన్నీ ఫ్యాన్స్‌లోనూ, అటు త్రివిక్రమ్‌ ఫ్యాన్స్‌లోనూ అంచనాలు బాగా ఉంటాయి. ఆ అంచనాల్ని అందుకుంటారో లేదో చూడాలి మరి. ఆల్రెడీ ప్రీ ప్రొడక్షన్‌ పనులు స్టార్ట్‌ అయ్యాయట. అతి త్వరలోనే హీరోయిన్‌, ఇతర టెక్సీషియన్స్‌ వివరాలు వెల్లడించనున్నారు. మొత్తానికి బన్నీ న్యూ ఇయర్‌కి ఒక రోజు ముందుగానే ఫ్యాన్స్‌కి బెస్ట్‌ సర్‌ప్రైజ్‌ ఇచ్చేశాడు.
