చిరంజీవి - కొర‌టాల శివ కాంబినేష‌న్‌లో ఓ చిత్రం రూపుదిద్దుకోనున్న సంగ‌తి తెలిసిందే. ఇప్పుడు ఈ కాంబోకి సంబంధించిన అఫీషియ‌ల్ డిటైల్స్ వ‌చ్చేశాయి. ఈనెల‌లోనే ఈ చిత్రానికి క్లాప్ కొట్టబోతున్నారు. జూన్ నుంచి రెగ్యుల‌ర్ షూటింగ్ మొద‌ల‌వుతుంది. కొణిదెల ప్రొడ‌క్ష‌న్స్‌, మాట్నీ ఎంట‌ర్‌టైన్‌మెంట్స్ సంయుక్తంగా ఈ చిత్రాన్ని నిర్మిస్తున్నాయి. రామ్ చ‌ర‌ణ్ నిర్మాత‌గా వ్య‌వ‌హ‌రించ‌బోతున్నాడు.
క‌థానాయిక‌గా శ్రుతిహాస‌న్ పేరు ప‌రిశీల‌న‌కు వ‌చ్చింది. అయితే.. ఇప్పుడు శ్రుతి స్థానంలో మ‌రో క‌థానాయిక కోసం అన్వేష‌ణ జ‌రుగుతోంది. కొర‌టాల శివ సినిమాలెప్పుడూ సామాజిక నేప‌థ్యంలో సాగుతాయి. ఈసారీ అలాంటి బ‌ల‌మైన క‌థ‌నే ఎంచుకున్నాడ‌ని తెలుస్తోంది. మేలో `సైరా` షూటింగ్ పూర్త‌వుతుంది. ఆ త‌ర‌వాత ఏమాత్రం ఆల‌స్యం చేయ‌కుండా కొర‌టాల సినిమాని మొద‌లెట్టేస్తున్నాడు చిరు.
