రామ్ చ‌ర‌ణ్ కి అత్యంత స‌న్నిహితుడు ప్రవీణ్. ఇప్పుడు చ‌ర‌ణ్ డేట్లు చూసేది ఆయ‌నే. ఇటు చిరంజీవి మేనేజ‌ర్‌గానూ ప‌నిచేస్తున్నారు. సైరా సినిమాకి ఓ ర‌కంగా ప్రొడ‌క్ష‌న్ అంతా తానే ద‌గ్గ‌రుండి చూసుకుంటున్నాడు. విన‌య విధేయ రామ ప్రొడ‌క్ష‌న్‌లోనూ ప్రవీణ్ ఇన్‌వాల్వ్‌మెంట్ ఉంది. ఈ ప్ర‌వీణ్‌కి ఇటీవ‌ల ఓ భారీ న‌జ‌రానా ద‌క్కింద‌ని టాలీవుడ్ టాక్‌. ప్ర‌వీణ్‌కి ఓ ఖ‌రీదైన ఫ్లాటు కానుక‌గా అందింద‌ట.
అయితే ఈ కానుక రామ్ చ‌ర‌ణ్ ఇవ్వ‌లేదు. చిరంజీవీ ఇవ్వ‌లేదు... నిర్మాత డివివి దాన‌య్య నుంచి అందింది. విన‌య విధేయ రామ సినిమాకి సంబంధించి అన్ని వ్య‌వ‌హారాల్నీ ప్రవీణ్ చూసుకున్నాడు. చ‌ర‌ణ్ డేట్లు దాన‌య్య‌కు ఇప్పించింది కూడా ప్ర‌వీణే. త్వ‌ర‌లో దాన‌య్య నిర్మాత‌గా చిరంజీవి క‌థానాయ‌కుడిగా ఓ చిత్రం తెర‌కెక్క‌బోతోంది. త్రివిక్ర‌మ్ ద‌ర్శ‌కుడు. ఈ చిత్రానికి సంబంధించిన ప్రొడ‌క్ష‌న్ అంతా ప్రవీణ్ చూసుకోబోతున్నాడ‌ని తెలుస్తోంది. అందుకే నిర్మాత దాన‌య్య ప్ర‌వీణ్‌కి ఈ భారీ గిఫ్ట్ అందించిన‌ట్టు స‌మాచారం.
