'ఎన్టీఆర్‌' పనుల్లో క్రిష్‌ ప్రస్తుతం బిజీగా ఉన్నాడు. ఈలోగా క్రిష్‌ బాలీవుడ్‌లో తెరకెక్కించిన 'మణికర్ణిక' మూవీ ప్రేక్షకుల ముందుకు వచ్చేసింది. అయితే ఈ సినిమా కారణంగా క్రిష్‌కి ఎంత డ్యామేజీ జరిగిందో ప్రత్యేకంగా చెప్పక్కర్లేదు. సోషల్‌ మీడియా వేదికగా కంగనా చేస్తున్న మాటల దాడికి క్రిష్‌ సరిగ్గా స్పందించలేకపోతున్నాడు. కంగనా వైపు నుండి తన మీద వస్తున్న తీవ్ర విమర్శలకు గట్టిగా సమాధానం చెప్పలేక మిన్నకుండిపోతున్నాడు.
'మహానాయకుడు' పనులు పూర్తయ్యాక, నేషనల్‌ మీడియా ముందుకెళ్లాలని క్రిష్‌ అనుకుంటున్నాడట. అయితే అప్పటికి 'మణికర్ణిక' వివాదం పూర్తిగా చల్లారిపోతుంది. కానీ తన నిజాయితీని నిరూపించుకోవాలి కాబట్టి క్రిష్‌ టైం తీసుకుని బాలీవుడ్‌ మీడియా ముందుకు వెళ్లక తప్పదు. ఈలోగా కంగనా క్రిష్‌ని వీలైనంత ఎక్కువ డ్యామేజ్‌ చేయాలని చూస్తోందట.
క్రిష్‌ బిజీని అవకాశంగా తీసుకుని కంగనా క్యాష్‌ చేసుకుంటోంది. ఆ రకంగా ఇన్‌ టైంలో స్పందించకుండా 'ఎన్టీఆర్‌' క్రిష్‌ స్పీడుకు బ్రేకులేసేస్తోంది. మరోవైపు 'ఎన్టీఆర్‌ కథానాయకుడు' ఫెయిల్యూర్‌ టాక్‌తో 'మహానాయకుడు'పై ఎక్కువ ఫోకస్‌ పెట్టాడు క్రిష్‌. ఈ సినిమాని ఎలాగైనా విజయవంతం చేయాలనే కసితో ఉన్నాడట. చూడాలి మరి ఏం జరుగుతుందో.
