మోహ‌న్ బాబు ప్ర‌స్తుతం క్రీయాశీల‌క రాజ‌కీయాల‌కు ద‌గ్గ‌ర‌వుతున్నారు. టీడీపీపై ఆయ‌న నేరుగానే విమర్శలకు దిగుతున్నారు. విమర్శలకు ప్ర‌తివిమ‌ర్శ‌లు ఉంటాయి క‌దా? అందుకే మోహ‌న్ బాబునీ టార్గెట్ చేస్తున్నారు కొంత‌మంది టీడీపీ నాయ‌కులు. తాజాగా మోహ‌న్ బాబుపై ఓ గాసిప్ బాగా చ‌క్క‌ర్లు కొడుతోంది.
ఆయ‌న ప్రేమ‌గా 'అన్నా' అంటూ పిలుచుకునే ఎన్టీఆర్‌కే ద్రోహం చేశార‌ని ఓ వ‌ర్గం బ‌లంగా ఆరోపిస్తోంది. ఎన్టీఆర్‌తో 'మేజ‌ర్ చంద్ర‌కాంత్‌' సినిమా తీశారు మోహ‌న్‌బాబు. అప్ప‌ట్లో ఆ సినిమా సంచ‌ల‌న విజ‌యం సాధించింది. ఆ చిత్రానికి నిర్మాత‌గానూ వ్య‌వ‌హ‌రించిన మోహ‌న్‌బాబు భారీ లాభాల్ని మూట‌గ‌ట్టుకున్నారు. అయితే... ఎన్టీఆర్‌కి మాత్రం పారితోషికం ఎగ్గొట్టారట.
ప్ర‌స్తుతం టీడీపీ పార్టీ వాళ్లు చేస్తున్న ఆరోప‌ణ ఇది. స‌రిగ్గా పారితోషికం విష‌యంలోనే పేచీ వ‌చ్చి ద‌ర్శ‌కుడు వైవీఎస్ చౌద‌రి కోర్టుకి వెళ్ల‌డం, కోర్టు మోహ‌న్‌బాబుకి జ‌రిమానా విధించ‌డం తెలిసిన విష‌యాలే. స‌రిగ్గా ఈ స‌మ‌యంలోనే.. ఎన్టీఆర్‌కి మోహ‌న్ బాబు చేసిన మోసం బ‌య‌ట‌కు లాగారు. మరి వీటిపై మోహ‌న్ బాబు స్పంద‌న ఏమిటో చూడాలి.
