బాహుబలి చిత్రాల తర్వాత రాజమౌళి ప్రతిష్ఠాత్మకంగా తెరకెక్కిస్తున్న ప్రాజెక్ట్‌ 'ఆర్‌ఆర్‌ఆర్‌'. ఎన్టీఆర్‌, చరణ్‌ కాంబినేషన్‌లో ఈ సినిమా తెరకెక్కుతోన్న సంగతి తెలిసిందే. తాజాగా ఈ సినిమా నుండి కొన్ని లీకేజీ ఫోటోలు నెట్టింట్లో హల్‌చల్‌ చేస్తున్నాయి. లీకైన ఫోటోల ఆధారంగా ఈ సినిమా కథ పీరియాడికల్‌ బ్యాక్‌డ్రాప్‌లో ఉండబోతోందనీ తెలుస్తోంది. బ్రిటీష్‌ కాలం నాటి ఓ పోలీస్‌స్టేషన్‌కి సంబంధించిన ఫోటోలు ఈ లీక్స్‌లో దర్శనమిస్తున్నాయి.
అంటే ఈ సినిమాకి సంబంధించి ఇంతవరకూ ప్రచారంలో ఉన్న రూమర్స్‌ అన్నీ అక్షరాలా నిజాలే అని తెలుస్తోంది. ఇప్పుడీ సెట్స్‌ని బట్టి సినిమాపై మరిన్ని కథలు రూమర్స్‌గా చక్కర్లు కొట్టేస్తాయి. ప్రస్తుతం రామోజీ ఫిలిం సిటీలోని ఓ సెట్‌లో 'ఆర్‌ఆర్‌ఆర్‌' షూటింగ్‌ జరుగుతోంది. ఎలా లీకయ్యాయో సెట్స్‌కి సంబంధించిన ఫోటోలు లీకైపోయాయి.
ఇప్పుడు రాజమౌళి తన టీమ్‌ని మరింత అప్రమత్తం చేయాల్సి ఉంటుంది. అసలే తన సినిమాకి సంబంధించిన విషయాలను చాలా గోప్యంగా ఉంచుతారు రాజమౌళి. మరి ఈ తాజా లీక్‌లు 'ఆర్‌ఆర్‌ఆర్‌' టీమ్‌ని ఇంకా జాగ్రత్త పడేలా చేస్తాయనే చెప్పాలి. లీకైన ఈ పిక్స్‌లో చరణ్‌ పిక్‌ కూడా ఉండడం విశేషం. ఇటీవల మహేష్‌బాబు మూవీ 'మహర్షి' పీక్స్‌ కూడా లీకైన సంగతి తెలిసిందే.
