కన్నడ బ్యూటీ రష్మికా మండన్నాకి రీసెంట్‌గా కోలీవుడ్‌ ఆఫర్‌ దక్కిన సంగతి తెలిసిందే. తమిళ హీరో కార్తీ తాజా చిత్రంలో రష్మికా హీరోయిన్‌గా ఎంపికైంది. లేటెస్ట్‌గా ఈ సినిమా ప్రారంభోత్సవం జరుపుకుంది. ఇదిలా ఉంటే, మాతృభాష కన్నడ అయినా తెలుగులో క్రేజ్‌ సంపాదించుకోవడంతో ఇప్పటికే తెలుగు భాషపై పట్టు సాధించింది. ఇక తమిళ తంబీలను ఇన్‌స్పైర్‌ చేయడం కోసం త్వరలోనే తమిళ పలుకులు పలికేందుకు రెడీ అయిపోతోంది ముద్దుగుమ్మ రష్మికా మండన్నా.
తమిళ్‌ నేర్చుకోవడానికి కసరత్తలు చేస్తోందట. అందుకోసం ప్రత్యేకంగా టీచర్‌ని నియమించుకుందట. త్వరలోనే తమిళంలోనూ పట్టు సాధిస్తానని చెబుతోంది. నేచురల్‌ బ్యూటీగా స్పెషల్‌ క్రేజ్‌ సంపాదించుకుంది రష్మికా. భాషపై పట్టుంటే పర్‌ఫామెన్స్‌లో నెక్ట్స్‌ లెవల్‌కి చేరుకోవచ్చన్నది ఈ ముద్దుగుమ్మ అభిప్రాయం. అందుకే ఎంట్రీతోనే భాషపై పట్టు కోసం ప్రయత్నిస్తోంది.
ఇదిలా ఉంటే త్వరలో రష్మికా 'డియర్‌ కామ్రేడ్‌' చిత్రంతో ప్రేక్షకుల ముందుకు రానుంది. విజయ్‌ దేవరకొండ ఈ సినిమాలో హీరోగా నటిస్తున్నాడు. మైత్రీ మూవీస్‌ బ్యానర్‌లో రూపొందుతోంది. దీంతో పాటు, నితిన్‌తో 'భీష్మ' సినిమాలోనూ రష్మికా నటిస్తోంది. మరో రెండు, మూడు ప్రాజెక్టులు చర్చల దశలో ఉన్నాయి. త్వరలోనే కన్‌ఫామ్‌ కానున్నాయి.
