ముద్దుగుమ్మ శృతిహాసన్‌ ఇకపై సినిమాల్లో నటించదంటూ గాసిప్స్‌ వస్తున్నాయి. తెలుగులో అసలే నటించదనీ ఈ మధ్య వార్తలు వచ్చాయి. అయితే అవన్నీ ఉత్త మాటలేనట. నిజానికి ఈ మధ్య శృతిహాసన్‌ సినిమాలకు దూరంగా ఉంటున్న సంగతి తెలిసిందే. గత రెండేళ్లుగా శృతిహాసన్‌ తెలుగు, తమిళ, హిందీ.. ఇలా ఏ భాషలోనూ కనిపించలేదు. రెండేళ్లు అంటే ఆ టైమ్‌ వెరీ వెరీ లాంగ్‌ టైమే అని చెప్పాలి.
అయితే ఇప్పుడిప్పుడే మళ్లీ శృతిహాసన్‌ పేరు తెరపైకి వచ్చింది. పలానా సినిమాలో శృతి నటిస్తోందట.. అంటూ గుసగుసలు వినిపిస్తున్నాయి. రవితేజ హీరోగా 'డిస్కోరాజా' సినిమాకి ముందుగా శృతినే హీరోయిన్‌ అనుకున్నారు. కానీ కొత్తగా వచ్చిన క్రేజీ బ్యూటీ పాయల్‌ రాజ్‌పుత్‌ ఆ ఛాన్స్‌ తన్నుకెళ్లిపోయింది. మెగా కాంపౌండ్‌ మూవీలో శృతి గెస్ట్‌ రోల్‌లో కనిపించబోతోందట అనే వార్త లేటెస్ట్‌గా వినిపించింది.
అయితే ఆ వార్తలోనూ క్లారిటీ లేదు. కానీ త్వరలోనే శృతి గుడ్‌న్యూస్‌ చెబుతానంటోంది. నటించడం అయితే ఖాయమంటోంది. ఇటు తెలుగులోనూ, అటు తమిళంలోనూ చెరో సినిమాకీ సైన్‌ చేశానని శృతిహాసన్‌ కన్‌ఫామ్‌ చేసింది. అయితే వివరాలు మాత్రం మేలో చెబుతానంటోంది. ప్రస్తుతం హిందీలో ఓ సినిమాలో నటిస్తోంది శృతిహాసన్‌. మొత్తానికి శృతిహాసన్‌ రీ ఎంట్రీ కన్‌ఫామ్‌ అని మాత్రం స్పష్టమైంది.
