విజయ్‌ దేవరకొండ టైమింగే టైమింగ్‌.!

By Inkmantra - March 01, 2019 - 18:15 PM IST

మరిన్ని వార్తలు

'గీత గోవిందం' సినిమాతో బ్లాక్‌ బస్టర్‌ హిట్‌ కొట్టేసి, 'నోటా'పై భారీగా అంచనాలు క్రియేట్‌ చేసేసి రిలీజ్‌ తర్వాత భారీగా నిరాశ పరిచినా తర్వాత లీకేజీ మూవీ 'ట్యాక్సీవాలా'తో సూపర్‌ హిట్‌ కొట్టేయడం విజయ్‌ దేవరకొండకు మాత్రమే చెల్లింది. ఈ రైజింగ్‌ స్టార్‌ ఇప్పుడు 'డియర్‌ కామ్రేడ్‌' చిత్రంతో ప్రేక్షకుల ముందుకు రానున్నాడు. దాదాపు ఈ సినిమా షూటింగ్‌ కంప్లీట్‌ అయ్యింది. ఇక రిలీజ్‌ డేట్‌ కోసం వెయిటింగ్‌లో ఉంది. 

 

అయితే ఈ సినిమాని మే 22న ప్రేక్షకుల ముందుకు తీసుకురావాలని చిత్ర యూనిట్‌ ఓ నిర్ణయానికి వచ్చిందట. అదే డేట్‌ని విజయ్‌ దేవరకొండ కూడా సూచిస్తున్నాడట. విజయ్‌దేవరకొండకు యూత్‌లో ఉన్న ఫాలోయింగ్‌ తెలిసిందే కదా. ఆ టైం అయితే బాగా వర్కవుటవుతుందనీ విజయ్‌ దేవరకొండ భావిస్తున్నాడట. ఎగ్జామ్స్‌ కంప్లీట్‌ అయిపోయి, సమ్మర్‌ హాలీడేస్‌ని ఎంజాయ్‌ చేసే మూడ్‌ అది. ఆ మూడ్‌ని తన సినిమాకి సక్సెస్‌ మోడ్‌గా మార్చేసుకోవాలన్నదే విజయ్‌ దేవరకొండ ప్లాన్‌.

 

అన్నట్లు ఈ సినిమాలో విజయ్‌ది స్టూడెంట్‌ లీడర్‌ పాత్ర కావడం ఈ సీజన్‌కి యాప్ట్‌ కానుంది. గమనించాల్సిన మరో ముఖ్య విషయమేంటంటే ఇంతవరకూ తెలంగాణా కుర్రోడిలా మెప్పించిన విజయ్‌ దేవరకొండ ఈ సినిమా కోసం అచ్చతెలుగు ఆంధ్రా కుర్రోడి అవతారమెత్తేశాడు. సినిమాలో ఎక్కువ భాగం కాకినాడ పరిసర ప్రాంతాల్లోనే చిత్రీకరించారు. భరత్‌ కమ్మ అనే కొత్త దర్శకుడు ఈ సినిమాతో పరిచయం అవుతుండగా, రష్మికా మండన్నా విజయ్‌తో జోడీ కడుతోంది. 


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS