ప్రియాంకా అంటే బాలీవుడ్‌ బ్యూటీ ప్రియాంకా కాదండోయ్‌. 'టాక్సీవాలా' భామ ప్రియాంకా జవాల్కర్‌. ఈ బ్యూటీ అక్కినేని హీరో అఖిల్‌తో ఆన్‌ స్క్రీన్‌ రొమాన్స్‌కి సిద్ధమైందని గట్టిగా ప్రచారం జరుగుతోంది. కానీ ఇది నిజమేనా.? అంటే అనుమానమే. 'టాక్సీవాలా' సినిమా సూపర్‌హిట్‌ అయినా కానీ హీరోయిన్‌గా ప్రియాంకా పాత్రకు పెద్దగా స్కోప్‌ లేదు ఆ సినిమాలో.
అంతేకాదు, ఫీచర్స్‌ పరంగా కూడా ప్రియాంకా జవాల్కర్‌ మెచ్యూర్డ్‌ లుక్స్‌లో కనిపిస్తుంది. సో యంగ్‌ హీరోస్‌కి, అందులోనూ అక్కినేని రాకుమారుడు అఖిల్‌ సరసన అంతగా సెట్‌ కాదనే విమర్శలు అక్కినేని ఫ్యాన్స్‌లో వినిపిస్తున్నాయి. మరి జోరుగా ప్రచారంలో ఉన్న ఈ గాసిప్‌లో నిజమెంతో తెలియాలంటే కొంత సమయం వెయిట్‌ చేయాలి. ఒకవేళ నిజమే అయితే కనుక ప్రియాంకకు ఇది బంపర్‌ ఛాన్సే అనుకోవాలి.
ఇక 'మిస్టర్‌ మజ్ను' తర్వాత అఖిల్‌ బొమ్మరిల్లు భాస్కర్‌తో సినిమాకి కమిట్‌ అయ్యాడని ప్రచారం జరుగుతోంది. ఇది కూడా ప్రచారమే. అఫీషియల్‌ అనౌన్స్‌మెంట్‌ ఇంకా రాలేదు. ఈ తరుణంలో హీరోయిన్‌ విషయమై సర్క్యులేట్‌ అవుతున్న ఈ గాసిప్‌లో నిజం గురించి అప్పుడే మాట్లాడుకోకూడదు. అన్నట్లు ఈ భామ గతంలో రవితేజ సరసన నటించబోతోందంటూ వార్తలు వెలువడిన సంగతి కూడా తెలిసిందే. కానీ అది కూడా జస్ట్‌ గాసిప్‌ మాత్రమే. ఆ ప్లేస్‌నే పాయల్‌ రాజ్‌పుత్‌ కొట్టేసింది 'డిస్కోరాజా' సినిమాలో. అదీ సంగతి.
